(vovworld) - ໂດຍໄດ້ຮັບຂ່າວວ່າ, ໃນວັນທີ 27/07/2015, ມີເຮືອບິນທະຫານເອລີກອບເຕີ Mi 17 ຂອງລາວ ຖືກອຸບັດຕິເຫດຕົກຢູ່ທາງທິດເໜືອຂອງບ້ານຫຼວງພັນໄຊ, ເມືອງລ່ອງແຈ້ງ, ແຂວງໄຊສົມບູນ, ໃນຂະນະທີ່ພວມບິນຈາກນະຄອນຫຼວງວຽງຈັນ ໄປ ຫຼວງພະບາງຂອງ ລາວ, ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ສົ່ງໂທລະເລກຢື້ຢາມຖາມຂ່າວເຖິງທ່ານນາຍົກລັດຖະມົນຕີລາວ ທອງສິງ ທຳມະວົງ.
ໃນໂທລະເລກ, ທ່ານນາຍົກລັດຖະມົນຕີ ຫງວຽນເຕີນຢຸງ ໄດ້ສະແດງຄວາມເສົ້າສະຫຼົດໃຈເມື່ອໄດ້ຮັບຂ່າວກ່ຽວກັບອຸບັດຕິເຫດເຮືອບິນຕົກ; ພ້ອມທັງຕາງໜ້າໃຫ້ພັກ, ລັດຖະບານ, ກອງທັບ ແລະ ປະຊາຊົນຫວຽດນາມ ແບ່ງເບົ່າຄວາມເສົ້າສະຫຼົດໃຈມາຍັງພັກ, ລັດຖະບານ, ກອງທັບ ແລະ ປະຊາຊົນລາວ, ພ້ອມກັບຄອບຄົວຂອງບັນດາພະນັກງານ, ນັກຮົບທີ່ຮັບເຄາະຮ້າຍ ຜ່ານຜ່າຄວາມສູນເສຍ, ຄວາມເຈັບປວດນີ້.