ບົດບາດຂອງ ທະຫານອາສາສະໝັກປະຕິບັດໜ້າທີ່ສາກົນຢູ່ລາວ ແລະ ກຳປູເຈຍ
ທ່ານ ເລກວາງທິກ ຮອງປະທານຄະນະກຳມະການປະຊາຊົນແຂວງ ກວາງງ້າຍ ຂຶ້ນກ່າວຄຳເຫັນ |
(vovworld)- ວັນທີ 18/4, ຢູ່ແຂວງ ກວາງງ້າຍ, ໄດ້ຈັດກອງປະຊຸມສຳມະນາສາກົນ “ ທະຫານອາສາສະໝັກຢູ່ຕອນໃຕ້ພາກກາງ ປະຕິບັດໜ້າທີ່ສາກົນຢູ່ພາກໃຕ້ຂອງລາວ ແລະ ເຂດທາງທິດຕາເວັນອອກສຽງເໜືອຂອງກຳປູເຈຍ- ບົດບາດ ແລະ ຄວາມໝາຍປະຫວັດສາດ” . ທີ່ ກອງປະຊຸມສຳມະນາ, ບັນດາຜູ້ແທນທີ່ເຂົ້າຮ່ວມໄດ້ປຶກສາຫາລືກ່ຽວກັບແງ່ຫວັງແຫ່ງການພົວພັນຮ່ວມມືຫວຽດນາມ-ລາວ, ລາວ-ຫວຽດນາມ, ຫວຽດນາມ - ກຳປູເຈຍ, ກຳປູເຈຍ-ຫວຽດນາມໃນສະພາວະສາກົນ ແລະ ພາກພື້ນໃນປະຈຸບັນ. ທ່ານ ເລກວາງທິກ ຮອງປະທານຄະນະກຳມະການປະຊາຊົນແຂວງ ກວາງງ້າຍ ຊີ້ແຈ້ງວ່າ :
“ກອງປະຊຸມສຳມະນາບໍ່ພຽງແຕ່ເຮັດແຈ້ງບົດບາດຂອງ ທະຫານອາສາສະໝັກ ປະຕິບັດໜ້າທີ່ສາກົນຢູ່ພາກໃຕ້ຂອງລາວ ແລະ ເຂດທາງທິດຕາເວັນອອກສຽງເໜືອຂອງກຳປູເຈຍ, ຢັ້ງຢືນທີ່ຕັ້ງບົດບາດ ແລະ ຄວາມໝາຍປະຫວັດສາດພິເສດລະຫວ່າງຫວຽດນາມ, ລາວ , ກຳປູເຈຍໃນປະຫວັດສາດ. ກອງປະຊຸມສຳມະນາແມ່ນຍັງມີຄວາມໝາຍທີ່ສຳຄັນທີີ່ສຸດ, ປະກອບສ່ວນເຂົ້າໃນການເສີມສ້າງນ້ຳໃຈສາມັກຄີ, ມິດຕະພາບ, ການຮ່ວມມືຊ່ວຍເຫຼືອຊຶ່ງກັນ ແລະ ກັນລະຫວ່າງ 3 ປະເທດ ຫວຽດນາມ -ລາວ - ກຳປູເຈຍ ໃນພາລະກິດຕໍ່ສູ້ປົດປ່ອຍຊາດ ກໍຄືໃນກິດຈະການສ້າງສາປະເທດຊາດໃນປະຈຸບັນ ”