ພາບປະກອບ:internet
|
(vovworld)- ໃນ“ງານລາຕີຮູບເງົາມູ່ງໄປສູ່ທະເລໝູ່ເກາະ” ດຳເນີນໄປໃນຕອນຄຳ່ວັນທີ 27/8 ຢູ່ ຮ່າໂນ້ຍ, ໄດ້ສາຍຮູບເງົາເລື່ອງໃຫມ່ເວົ້າເຖິງຊີວິດຂອງບັນດາຊາວປະມົງດ້ວຍຄວາມຮັກຕໍ່ທະເລ, ພ້ອມແລ້ວອອກສູ່ທະເລໂດຍບໍ່ຫົວຊາຕໍ່ຄວາມຫຍຸ້ງຍາກ, ສິ່ງທ້າທາຍທຸກປະການ. ເນື່ອງໃນໂອກາດນີ້ ກົມຮູບເງົາ ໄດ້ມອບຈຳນວນເງິນກວ່າ 400 ລ້ານດົງ ເພື່ອສະຫນັບສະຫນູນບັນດາຕຳຫລວດປ້ອງກັນທະເລ ແລະ ກຳລັງກວດກາການປະມົງ ຫວຽດນາມ.
ກ່ອນຫນ້ານັ້ນ, ຕອນບ່າຍວັນທີ 27/8, ຕຳຫລວດປ້ອງກັນທະເລເຂດ 2 ໄດ້ພົບປະແລກປ່ຽນກັບບັນດານັກຮຽນໂຮງຮຽນມັດທະຍົມຕອນປາຍຢູ່ ໂຮງຮຽນ ເລກູຍດົນ ນະຄອນ ບຽນຮ່ວາ. ບັນດາພວກນ້ອງນັກຮຽນ ໄດ້ພົບປະ, ແລກປ່ຽນ, ແບ່ງປັນກັບບັນດາຕຳຫລວດປ້ອງກັນທະເລທີ່ຫາກໍສຳເລັດຫນ້າທີ່ດີເດັ່ນກັບຄືນເມືອຈາກເຂດທະເລໝູ່ເກາະທີ່ສັກກະລະບູຊາຂອງປະເທດຊາດ. ການພົບປະແລກປ່ຽນ ໄດ້ປຸກລຸກນຳ້ໃຈຮັກຊາດ, ພ້ອມແລ້ວທີ່ຈະອຸທິດສ່ວນ, ເສຍສະຫລະຂອງລຸ້ນຫນຸ່ມ.