ງານວາງສະແດງ “ ສະໜາມຮົບພາກໃຕ້ກັບໄຊຊະນະດ້ຽນບຽນຝູ”
|
(vovworld)- ຕອນເຊົ້າວັນທີ 24/4, ຢູ່ຫໍພິພິທະພັນກຳລັງປະກອບອາວຸດເຂດ ທາງຕາເວັນອອກພາກໃຕ້, ໄດ້ໄຂງານວາງສະແດງ “ ສະໜາມຮົບພາກໃຕ້ກັບໄຊຊະນະດ້ຽນບຽນຝູ”. ງານວາງສະແດງໄດ້ແນະນຳຮູບຈຳລອງການບຸກໂຈມຕີ 12 ຄັ້ງ, ພາບຖ່າຍ 98 ແຜ່ນ, ວັດຖຸພັນ 36 ຢ່າງ ແລະ ປຶ້ມອ່ານ, ເອກະສານຢ່າງຫຼວງຫຼາຍ, ໃນນັ້ນຕ້ອງເວົ້າເຖິງຮູບພາບຂອງທ່ານພົນເອກວໍ້ງວຽນຢາບ. ທ່ານ ຫງວຽນຕວນເກືອງ ຜູ້ມາຊົມງານວາງສະແດງ ໃຫ້ຮູ້ວ່າ :
“ ນີ້ເປັນຄັ້ງທີ 2 ທີ່ຂ້າພະເຈົ້າໄດ້ເຂົ້າຮ່ວມ ງານວາງສະແດງຄັ້ງນີ້. ມາຊົມ ງານວາງສະແດງແຕ່ລະເທື່ອ, ຕ່າງກໍໄດ້ເຫັນພາບຖ່າຍເຫຼົ້ານັ້ນ ອັນໄດ້ເຮັດໃຫ້ຂ້າພະເຈົ້າມີຄວາມຕື້ນຕັນໃຈເປັນພິເສດ. ຂ້າພະເຈົ້າມີຄວາມເອກອ້າງທະນົງໃຈເມື່ອເປັນນັກຮົບໃນກອງທັບປະຊາຊົນຫວຽດນາມ ແລະ ຫວັງວ່າ ຄົນລຸ່ນໜຸ່ມປະຈຸບັນ ແລະ ໃນພາຍພາກໜ້າຈະສືບທອດ ແລະ ເສີມຂະຫຍາຍມູນເຊື້ອຂອງຄົນລຸ່ນກ່ອນໆ ”
ຕອນເຊົ້າວັນດຽວກັນ, ໜັງສືພິມ ກວນໂດ້ຍເຍີນເຢີນ ສຽງຂອງກອງທັບປະຊາຊົນຫວຽດນາມ ໄດ້ສົມທົບກັບສະຫະພັນລົດຖີບ-ລົດຈັກກິລາຫວຽດນາມ ຈັດການປະຊຸມຂ່າວ ກ່ຽວກັບການແຂ່ງລົດຖີບທົ່ວປະເທດເປີດກ້ວາງ ຊຶ່ງຈະຖືກຈັດຂຶ້ນແຕ່ວັນທີ 1 ຫາວັນ 8/5 ຊຶ່ງເລີ່ມຈາກຮ່າໂນ້ຍ ແລະ ສິ້ນສຸດລົງຢູ່ນະຄອນດ້ຽນບຽນຝູ. ທ່ານພົນຕີ ເລຟຸກງວຽນ ບັນນາທິການໃຫຍ່ ໜັງສືພິມ ກວນໂດ້ຍເຍີນເຢີນ, ຫົວໜ້າຄະນະຈັດຕັ້ງໃຫ້ຮູ້ວ່າ :
“ການແຂ່ງລົດຖີບກັບເມືອ ດ້ຽນບຽນ ແມ່ນແນໃສ່ສະແດງຄວາມຮູ້ບູນຄຸນຂອງລຸ່ນຄົນປະຈຸບັນທີ່ມີຕໍ່ຄົນລຸ່ນກ່ອນໆໂດຍຜ່ານການເຄື່ອນໄຫວກິລາ. ນີ້ແມ່ນການແຂ່ງລົດຖີບໄດ້ຮັບການກະກຽມຢ່າງລອບຄອບຖີ່ຖ້ວນຈາກບັນດາທິມເຂົ້າຮ່ວມ ເພື່ອຍາດໄດ້ຜົນງານສູງສຸດ. ຂ້າພະເຈົ້າຄິດວ່າ ນີ້ແມ່ນຄວງາມຕັດສິນໃຈຂອງບັນດານັກກິລາ ແລະ ນີ້ກໍແມ່ນວິທີສະແດງນ້ຳໃຈ “ ດ້ຽນບຽນຝູ” ຂອງບັນດານັກກິລາ ”