ບັນດາປະເທດອາຊີຕາເວັນອອກສ່ຽງໃຕ້ແບ່ງປັນຂໍ້ມູນຂ່າວກ່ຽວກັບການອະນຸລັກຮັກສາມໍລະດົກວັດທະນະທຳບໍ່ມີຮູບຮ່າງ
(ພາບປະກອບ)
(vovworld) – ກອງປະຊຸມເຂດອະນຸພາກພື້ນ ກ່ຽວກັບວຽການອະນຸລັກຮັກສາມໍລະດົກວັດທະນະທຳບໍ່ມີຮູບຮ່າງພາກພື້ນອາຊີຕາເວັນອອກສ່ຽງໃຕ້ ປີ 2015, ຖືກໄຂຂຶ້ນໃນຕອນເຊົ້າວັນທີ 06/10, ຢູ່ຮ່າໂນ້ຍ, ດ້ວຍການເຂົ້າຮ່ວມຂອງບັນດາຜູ້ແທນທີ່ຕາງໜ້າໃຫ້ບັນດາປະເທດອາຊີຕາເວັນອອກສ່ຽງໃຕ້. ນີ້ແມ່ນເຫດການສຳຄັນ, ເພື່ອຕອບສະໜອງຄວາມຕ້ອງການນັບມື້ນັບສູງກ່ຽວກັບການຮ່ວມມືໃນພາກພື້ນ ໃນການອະນຸລັກຮັກສາມໍລະດົກວັດທະນະທຳບໍ່ມີຮູບຮ່າງ ຕໍ່ໜ້າສະພາບການໂລກມີການຜັນແປ່, ສິ່ງທ້າທາຍຫຼາຍຢ່າງເກີດຂຶ້ນຈາກການຫັນເປັນຕົວເມືອງ, ຫັນເປັນອຸດສາຫະກຳ, ຫັນເປັນທົ່ວໂລກ. ກອງປະຊຸມຖືກດຳເນີນໄປເປັນເວລາ 2 ວັນ, ບັນດານັກຊ່ຽວຊານຈະແບ່ງປັນກ່ຽວກັບບົດບາດ, ຄວາມສຳຄັນຂອງປະຊາຄົມ ໃນການອະນຸລັກຮັກສາມໍລະດົກວັດທະນະທຳບໍ່ມີຮູບຮ່າງ, ຮັບຟັງບົດຮຽນຈາກປະເທດຕ່າງໆ. ຜ່ານນັ້ນ, ບັນດາຜູ້ແທນຈະເຂົ້າໃຈກວ່າກ່ຽວກັບສະພາບການຕົວຈິງຂອງແຕ່ລະປະເທດ, ພິເສດແມ່ນສະພາບຕົວຈິງໃນການຮຽບຮຽງຂໍ້ມູນຂ່າວກ່ຽວກັບລະບົບມະນຸດ, ກຸ່ມຄົນກັບຮັກສາມໍລະດົກວັດທະນະທຳບໍ່ມີຮູບຮ່າງ; ບັນດາສິ່ງທ້າທາຍຕ້ອງຜ່ານຜ່າ, ຈາກນັ້ນສ້າງເປັນແຜນການໃຫ້ບັນດາໂຄງການທີ່ຈະມາເຖິງ.
ທີ່ກອງປະຊຸມ, ທ່ານນາງລັດຖະມົນຕີຊ່ວຍວ່າການກະຊວງວັດທະນະທຳ, ກິລາ ແລະ ທ່ອງທ່ຽວ ດັ້ງທິບິກລຽນ ຢືນຢັນວ່າ, ຫວຽດນາມ ໄດ້ມີຄວາມມານະພະຍາຍາມຫຼາຍຢ່າງໃນບັນດາການເຄື່ອນໄຫວອະນຸລັກຮັກສາ ແລະ ເສີມຂະຫຍາຍຄຸນຄ່າມໍລະດົກວັດທະນະທຳບໍ່ມີຮູບຮ່າງ, ພ້ອມທັງ ປາດຖະໜາວ່າ, ຜ່ານກອງປະຊຸມສຳມະນາ, ບັນດາປະເທດອາຊີຕາເວັນອອກສ່ຽງໃຕ້ ຈະຮ່ວມແຮງຮ່ວມໃຈ ຊອກຫາວິທີເພື່ອອະນຸລັກຮັກສາມໍລະດົກວັດທະນະທຳບໍ່ມີຮູບຮ່າງຢ່າງມີປະສິດທິຜົນ.