ບັນດາສະມາຊິກສະພາແຫ່ງຊາດມີຄວາມຫວັງຕໍ່ກົງຈັກໃໝ່ຂອງລັດຖະບານ
(ພາບປະກອບ)
(vovworld) – ວັນທີ 28/07, ສະພາແຫ່ງຊາດຮັບຮອງເອົາມະຕິໃຫ້ສັດຕະຍາບັນໃບສະເໜີຂອງທ່ານນາຍົກລັດຖະມົນຕີກ່ຽວກັບການແຕ່ງຕັ້ງບັນດາຮອງນາຍົກລັດຖະ ມົນຕີ, ບັນດາລັດຖະມົນຕີ ແລະ ສະມາຊິກອື່ນໆຂອງລັດຖະບານ. ດ້ວຍຖັນແຖວພະນັກງານຫຼັກແຫຼ່ງໃນອາຍຸການໃໝ່, ບັນດາສະມາຊິກສະພາແຫ່ງຊາດເຊື່ອໝັ້ນວ່າ: ກົງຈັກໃໝ່ຂອງລັດຖະບານ, ທ່ານນາຍົກລັດຖະມົນຕີອາຍຸການ 2016 – 2021 ຈະມີບັນດາການປ່ຽນໃໝ່ເຂັ້ມແຂງ ແລະ ຂ້ຽວຂາດ ເພື່ອນຳປະເທດຊາດຜ່ານຜ່າຄວາມຫຍຸ້ງຍາກ, ເຊື່ອມໂຍງເສດຖະກິດກັບສາກົນສຳເລັດຜົນ. ທ່ານ ຟານຫງວຽນຍືເຄ ສະມາຊິກສະພາແຫ່ງຊາດ, ຄະນະຜູ້ແທນນະຄອນ ໂຮ່ຈີມິນ ຕັ້ງຄວາມຫວັງຕໍ່ກົນໂຄງປະກອບກົງຈັກຂອງລັດຖະບານຊຸດທີ 14.
“ຂ້າພະເຈົ້າເຫັນດີເຫັນພ້ອມສູງຕໍ່ການສະຫລຸບຂອງທ່ານນາຍົກລັດຖະມົນຕີ, ນັ້ນແມ່ນ ຕັ້ງຄວາມຫວັງຕໍ່ກົງຈັກລັດຖະບານຊຸດໃໝ່ ມີຄວາມຮັບຜິດຊອບ, ຂະຫຍັນຂັນເຄື່ອນສັດຊື່ບໍລິສຸດ ແລະ ຍາມໃດກໍ່ພິຈາລະນາທຸກບັນຫາ, ຖືຊີວິດຂອງປະຊາຊົນເປັນຈຸດໝາຍສູງສົງ, ນຳມາໃຫ້ຄວາມວັດທະນາຖາວອນຂອງປະເທດຊາດ ແລະ ຄວາມຜາສຸກໃນຊີວິດການເປັນຢູ່ຂອງປະຊາຊົນ”.