ບັນດາແຂວງພາກເໜືອຕັ້ງໜ້າແກ້ໄຂຜົນຮ້າຍຢ້ອນຫຼັງຈາກພາຍຸນຳ້ຖ້ວມ
(ພາບປະກອບ)
(vovworld) - ແຂວງກວາງນິງ ພວມສືບຕໍ່ຊີ້ນຳບັນດາຂະແໜງ, ທ້ອງຖີ່ນຮັບປະກັນຊີວິດການເປັນຢູ່ໃຫ້ແກ່ປະຊາຊົນເຂດປະສົບກັບຄວາມເສຍຫາຍຈາກຝົນຕົກນຳ້ແກ່ງເປັນປົກກະຕິໃນຕໍ່ໜ້າ ກໍ່ຄືໃນໄລຍະຍາວ. ມາຮອດປະຈຸບັນ, ຄວາມເສຍຫາຍທັງໝົດໂດຍຝົນຕົກນຳ້ແກ່ງກໍ່ຂຶ້ນໃນບໍລິເວນແຂງກວາງນິງ ຄາດຄະເນວ່າແມ່ນປະມານ 2.200 ຕຶ້ດົ່ງ.
ໃນຂະນະນັ້ນ, ຄະນະຊີ້ນຳປ້ອງກັນ, ຕ້ານພາຍຸ, ຫຼຸດຜ່ອນໄພທຳມະຊາດ ແລະ ກູ້ໄພກູ້ຊີບນະຄອນ ດ້ຽນບຽນຝູ ໄດ້ລົງກວດກາສະພາບການຢູ່ບັນດາເຂດຈຸດສຸມ ແລະ ຊີ້ນຳບັນດາທ້ອງຖີ່ນຜັນຂະຫຍາຍແບບວິທີປ້ອງກັນ, ຕ້ານ ແລະ ຊ່ວຍບັນດາຄອບຄົວຖືກນຳ້ຖ້ວມແກ້ໄຂຜົນຮ້າຍ. ທ່ານ ຫງວຽນດຶກດ້ວຽນ, ຮອງປະທານຄະນະກຳມະການປະຊາຊົນນະຄອນ ດ້ຽນບຽນຝູ, ໃຫ້ຮູ້ວ່າ:
“ສຳລັບວຽກງານແກ້ໄຂຜົນຮ້າຍໃນສະເພາະໜ້າ ແມ່ນໃຊ້ເງິນຈາກກອງທຶນຮັບມືກັບພາຍຸນຳ້ຖ້ວມເພື່ອໜູນຊ່ວຍພໍ່ແມ່ປະຊາຊົນຜູ້ຖືກເສຍຫາຍດ້ານຊັບສົມບັດຈາກພາຍຸນຳ້ຖ້ວມ. ໂຊກດີແມ່ນບໍ່ມີຄວາມເສຍຫາຍດ້ານຊີວິດອີນຊີ. ຮັບປະກັນອະນາໄມສິ່ງແວດລ້ອມ ແລະ ຮັບປະກັນລະບົບລະບາຍນຳ້ເພື່ອຫຼີກເວັ້ນບໍ່ໃຫ້ນຳ້ຖ້ວມ“.
ຢູ່ແຂວງ ເຊີນລາ, ບັນດາກຳລັງກູ້ໄພກູ້ຊີບ ໄດ້ຮັບປະກັນທາງຄົມມະນາຄົມຢູ່ເຂດກີ່ວ ຈ່ຽງດົງ, ເມືອງ ອຽນເຈົາ ທະລຸລ່ວງ. ຄະນະຊີ້ນຳປ້ອງກັນ, ຕ້ານພາຍຸນຳ້ຖ້ວມ - ຊອກຫາກູ້ໄພກູ້ຊີບ ບັນດາແຂວງໄຕບັກ (ທາງທິດຕາເວັນຕົກສ່ຽງເໜືອ) ສືບຕໍ່ຊ່ວຍບັນດາຄອບຄົວໃນເຂດອັນຕະລາຍເຄື່ອນຍ້າຍໄປຍັງເຂດປອດໄພ.