ຈຸດເວລາທີ່ອັງກິດ ຂໍຕໍ່ກຳນົດເວລາ Brexit ແມ່ນດົນປານໃດກໍ່ຍັງບໍ່ທັນໄດ້ຮັບການຕັດສິນເທື່ອ. ຕາມແຜນການແລ້ວ, ທ່ານນາງນາຍົກລັດຖະມົນຕີ May ຈະໄປບຣຸກແຊນ ໃນວັນທີ 21 ມີນາ ເພື່ອປຶກສາຫາລືກັບບັນດາການນຳ EU ກ່ຽວກັບບັນດາວິທີການຂໍເລື່ອນກຳນົດເວລາຖອນຕົວອອກຈາກ Brexit ຂອງອັງກິດ.

        ທີ່ກອງປະຊຸມລັດຖະບານໃນວັນດຽວກັນ, ບັນດາລັດຖະມົນຕີອັງກິດ ໄດ້ມີຄຳເຫັນບໍ່ລົງລອຍກັນກ່ຽວຂ້ອງເຖິງບັນຫາຂໍຕໍ່ກຳນົດເວລາກັບ EU, ຫຼື ຮອດວັນທີ 30 ມີຖຸນາ ຫຼື ແກ່ຍາວເປັນເວລາ 1 ປີ ແລະ ຫຼາຍກວ່ານັ້ນອີກ ຖ້າຫາກສະພາຕ່ຳອັງກິດ ສືບຕໍ່ປ່ອນບັດປະຕິເສດຂໍ້ຕົກລົງ Brexit ຂອງທ່ານນາງນາຍົກລັດຖະມົນຕີອັງກິດ. ໃນຂະນະນັ້ນ, ໃນວັນດຽວກັນ ຫົວໜ້າຄະນະເຈລະຈາ Brexit ຂອງ EU ທ່ານ Michel Barnier ຖະແຫຼງວ່າ, EU ຈະບໍ່ເຫັນດີຕໍ່ເລື່ອງ ອັງກິດ ຂໍເລື່ອນກຳນົດເວລາ, ຖ້າຫາກອັງກິດ ບໍ່ມີແຜນການລະອຽດວ່າຈະເຮັດຫຍັງແດ່ໃນຈຸດເວລາຂໍເລື່ອນກຳນົດເວລາຂອງການ Brexit.

        ຕາມຂໍ້ກຳນົດແລ້ວ, ອັງກິດ ຈະຖອນຕົວອອກຈາກ EU ໃນເວລາພຽງ 10 ວັນຕື່ມອີກ, ເຖິງວ່າມີ ຫຼື ບໍ່ມີຂໍ້ຕົກລົງກັບ EU ກໍ່ຕາມ.