ພາບປະກອບ
(vovworld) – ບັນດານັກວິທະຍາສາດເຂົ້າຮ່ວມກອງປະຊຸມສຳມະນາກ່ຽວກັບສິ່ງແວດລ້ອມ ສປຊ (UNEA) ຢູ່ນະຄອນຫຼວງ Nairobi ຂອງປະເທດ Kenya ໃນວັນທີ 24/5, ໄດ້ສະແດງຄວາມເປັນຫວ່າງກັງວົນຢ່າງສູງຕໍ່ສະພາບລະບົບປາກະລັງ, ທີ່ເຄີຍມີບົດບາດສຳຄັນໃນການຮັບປະກັນການຄົງຕົວຂອງບັນດາສິ່ງມີຊີວິດຢູ່ທະເລ, ຖືກທຳລາຍຍ້ອນນຳ້ທະເລອຸ່ນຂຶ້ນ ແລະ ປະກົດການ El Nino. ກ່າວຄຳເຫັນຕໍ່ວົງການສື່ມວນຊົນ, ທ່ານ Ruth Gates, ຜູ້ອຳນວຍການສະຖາບັນຊີວະວິທະຍາຂຶ້ນກັບມະຫາວິທະຍາໄລ Hawaii, ໃຫ້ຮູ້ວ່າ: ລະບົບປາກະລັງເກືອບທັງຫມົດໃນໂລກ, ເປັນຕົ້ນແມ່ນຢູ່ ອິນເດຍ, Maldives, Sri Lanka ແລະ ເກາະ Lakshadweep (ປະເທດອິນເດຍ) ປະຈຸບັນມີປະກົດການປ່ຽນເປັນສີຂາວພວມເພີ່ມຂຶ້ນກວມອັດຕາຢ່າງໜ້ອຍສຸດແມ່ນ 93%, ນີ້ແມ່ນປະຕິກິລິຍາສຳລັບສະພາບການນຳ້ທະເລອຸ່ນຂຶ້ນກ່ຽວຂ້ອງເຖິງການປ່ຽນແປງຂອງດິນຟ້າອາກາດທົ່ວໂລກ. ປະກົດການ El Nino ກໍ່ໄດ້ນາບຂູ່ຊີວິດຂອງລະບົບປາກະລັງ. ປາກະລັງຈຳນວນ 80% ຖືກຕາຍ ແລະ 70% ຖືກປ່ຽນເປັນສີຂາວ. ຖ້າຫາກສະພາບປາກະລັງຖືກທຳລາຍຍັງຄົງເກີດຂຶ້ນ, ຊີວິດການເປັນຢູ່ຂອງປະຊາຊົນຢູ່ບັນດາເຂດແຄມທະເລຢູ່ກ່ວາ 100 ປະເທດທີ່ເອື້ອຍອີງທະເລເພື່ອທຳມາຫາກິນກໍ່ຈະຖືກຜົນສະທ້ອນຢ່າງໜັກໜ່ວງ.