(vovworld) – ຕອນບ່າຍວັນທີ 30/9, ສາຂາທະນາຄານນະໂຍບາຍສັງຄົມນະຄອນ ດ່ານັ້ງ ແລະ ທະນາຄານນະໂຍບາຍສັງຄົມແຂວງ ສະຫວັນນະເຂດ - ລາວ ຈັດຕັ້ງພິທີແຮກສ່ຽວ. ທີ່ພິທີ, ທະນາຄານນະໂຍບາຍສັງຄົມສາຂາ ດ່ານັ້ງ ແລະ ທະນາຄານນະໂຍບາຍສັງຄົມແຂວງ ສະຫວັນນະເຂດ ໄດ້ເຊັນໂຄງການຮ່ວມມື, ເຊິ່ງລວມມີບັນດາເນື້ອໃນຄື: ສ້າງຮູບແບບການແລກປ່ຽນການນຳໃຊ້ວິຊາຊີບ, ຊອກຮູ້ບັນດາຂົງເຂດວິຊາການທີ່ກ່ຽວຂ້ອງ, ດຳເນີນການແລກປ່ຽນຂໍ້ມູນຂ່າວ ແລະ ຕອບບັນດາຂໍ້ຂ້ອງໃຈກ່ຽວກັບວິຊາຊີບໃນຂອບເຂດການຮ່ວມມື, ສ້າງສະຖານທີ່ໄປທັດສະນະສຶກສາ, ຮ່ຳຮຽນເອົາບົດຮຽນ ແລະ ບັນດາເຫດການຮ່ວມມືລວມຂອງທະນາຄານ 2 ແຫ່ງ ກໍ່ຄືບັນດາການເຄື່ອນໄຫວພົບປະແລກປ່ຽນລະຫວ່າງ 2 ສາຂາໃຫ້ເໝາະສົມກັບກົດໝາຍ, ຮີດຄອງປະເພນີຂອງ 2 ປະເທດ ຫວຽດນາມ ແລະ ລາວ.
ກ່ອນໜ້ານັ້ນ, ແຕ່ວັນທີ 28 – 30/9, ທະນາຄານນະໂຍບາຍນະຄອນ ດ່ານັ້ງ ຈັດຕັ້ງຊຸດຝຶກອົບຮົມຍົກສູງວິຊາການໃຫ້ພະນັກງານເກືອບ 20 ຄົນຂອງທະນາຄານນະໂຍບາຍສັງຄົມແຂວງ ສະຫວັນນະເຂດ, ສປປ ລາວ.