ປີທ່ອງທ່ຽວແຫ່ງຊາດ 2015 ມຸ່ງໄປເຖິງ “ການເຊື່ອມຕໍ່ບັນດາມໍ ລະດົກໂລກ”
(ພາບປະກອບ)
(vovworld) - ວັນທີ 17/4, ກະຊວງວັດທະນະທຳ, ກິລາ ແລະ ການທ່ອງທ່ຽວໃຫ້ຮູ້ວ່າ: ກະຊວງເຫັນດີເປັນເອກະສັນເລືອກແຂວງ ແທງຮວ໋າ ເປັນສະຖານທີ່ຈັດຕັ້ງປີທ່ອງທ່ຽວແຫ່ງຊາດ 2015 ດ້ວຍຫົວຂໍ້ວ່າ “ປີທ່ອງທ່ຽວແຫ່ງຊາດ 2015 - ແທງຮວ໋າ: ການເຊື່ອມຕໍ່ບັນດາມໍລະດົກໂລກ”.
ມາຮອດຈຸດເວລານີ້, ບັນດາໜ່ວຍງານ, ທ້ອງຖິ່ນໄດ້ຜັນຂະຫຍາຍວຽກງານກະກຽມຈັດຕັ້ງປີທ່ອງທ່ຽວແຫ່ງຊາດ 2015 ຢ່າງຖືກຕ້ອງຕາມແຜນການທີ່ວາງອອກ. ໃນນັ້ນ, ແທງຮວ໋າ ໄດ້ສ້າງບັນດາເອກະສານທີ່ກ່ຽວຂ້ອງ. ບັນດາເຫດການ, ການເຄື່ອນໄຫວຕ່າງໆຖືກນຳເຂົ້າໃນຮ່າງລາຍການປີທ່ອງທ່ຽວແຫ່ງຊາດ 2015 ແລະ ຮັບເອົາຄວາມຄິດເຫັນຈາກບັນດາແຂວງ - ນະຄອນ, ບັນດາຫົວໜ່ວຍສັງກັດກະຊວງວັດທະນະທຳ, ກິລາ ແລະ ການທ່ອງທ່ຽວ, ບັນດາກະຊວງ, ຂະແໜງການຕ່າງໆ. ການສ້າງ ແລະ ຜັນຂະຫຍາຍບັນດາແຜນຮ່າງ, ໂຄງການ ແລະ ແຜນການພາກສ່ວນຮັບໃຊ້; ວຽກງານສົ່ງເສີມ, ໂຄສະນາປີທ່ອງທ່ຽວແຫ່ງຊາດ 2015 ພວມໄດ້ຮັບການປັບປຸງໃຫ້ສຳເລັດໂດຍໄວ.
ປີທ່ອງທ່ຽວແຫ່ງຊາດ 2015 ຢູ່ແຂວງ ແທງຮວ໋າ ຈະປະກອບສ່ວນຍົກສູງຄວາມຮັບຮູ້ຂອງທຸກຂັ້ນ, ຂະແໜງການ ແລະ ປະຊາຊົນກ່ຽວກັບການພັດທະນາການທ່ອງທ່ຽວຕິດກັບການອະນຸລັກຮັກສາ ແລະ ເສີມຂະຫຍາຍບັນດາຄຸນຄ່າດ້ານວັດທະນະທຳ. ຄຽງຄ້າງນັ້ນ, ແມ່ນການສ້າງ ແລະ ຍົກສູງຮູບພາບກ່ຽວກັບການທ່ອງທ່ຽວ ຫວຽດນາມ ເວົ້າລວມ ແລະ ການທ່ອງທ່ຽວ ແທງຮວ໋າ ເວົ້າສະເພາະ.