(ພາບປະກອບ)
(vovworld) – ວັນທີ 01/04, ຢູ່ສູນກອງປະຊຸມແຫ່ງຊາດ, ໃນຂອບເຂດກອງປະຊຸມໃຫຍ່ສະຫະພັນລັດຖະສະພາສາກົນ ຄັ້ງທີ 132 (IPU 132), ຄະນະປະຈຳກ່ຽວກັບປະຊາທິປະໄຕ ແລະ ສິດທິມະນຸດໄດ້ດຳເນີນການປຶກສາຫົວເລື່ອງສະເພາະ ກ່ຽວກັບມະຕິຕໍ່ໄປ“ປະຊາທິປະໄຕໃນສັງກະລາດດີຈີຕອນ ແລະ ໄພນາບຂູ່ເຖິງສິດສ່ວນຕົວ ແລະ ບັນດາສິດເສລີສ່ວນຕົວໂດຍພື້ນຖານ”. ຄາດວ່າ, ມະຕິດັ່ງກ່າວຈະໄດ້ຮັບການພິຈາລະນາ, ຮັບຮອງເອົນທີ່ກອງປະຊຸມໃຫຍ່ IPU 133 (ເຊິ່ງຖືກຈັດຂັ້ນໃນເດືອນ 10/2015). ວາລະປຶກສາຫາລືຫົວເລື່ອງສະເພາະດັ່ງກ່າວ ຈະຊ່ວຍໃຫ້ສະມາຊິກຄະນະກຳມະການມີໂອກາດເຂົ້າໃຈກ່ຽວກັບບັນດາບັນຫາທີ່ກ່ຽວຂ້ອງເຖິງຫົວເລື່ອງດັ່ງກ່າວ ແລະ ແບ່ງປັນວິໄສທັດຂອງບັນດາປະເທດທີ່ມີບົດຮຽນ; ສະໜອງຂໍ້ມູນຂ່າວໃຫ້ຜູ້ລາຍງານບັນດາຂໍ້ມູນເບື້ອງຕົ້ນກ່ຽວກັບທັດສະນະຂອງບັນດາສະມາຊິກກ່ຽວກັບບັນຫາທີ່ກ່ຽວຂ້ອງ. ໃນວາລະປຶກສາຫາລືນີ້, ຄະນະຜູ້ແທນຫວຽດນາມ ໂດຍທ່ານຮອງຫົວໜ້າກຳມາທິການກົດໝາຍ ເລມິງທົງ, ສະມາຊິກອານຸກຳມະການເນື້ອໃນ ເນັ້ນໜັກວ່າ: ຫວຽດນາມ ຖືວ່າ, ແຕ່ລະປະເທດຕ້ອງປັບປຸງພື້ນຖານນິຕິກຳໃຫ້ບັນດາການເຄື່ອນໄຫວສື່ສານໃນສັງກະລາດດີຈີຕອນເພື່ອແນໃສ່ຊຸກຍູ້ບັນດາຄຸນຄ່າຕົວຈິງຂອງປະຊາທິປະໄຕໃຫ້ແທດເໝາະກັບຈຸດພິເສດສະເພາະຂອງແຕ່ລະປະເທດ, ແຕ່ລະຊາດ. ຫວຽດນາມ ກໍ່ຖືວ່າ, ບັນດາປະເທດຕ້ອງເພີ່ມທະວີການຮ່ວມມື, ແລກປ່ຽນຂໍ້ມູນເພື່ອສາມາດອັບເດັດຂໍ້ມູນຂ່າວຢ່າງຊັດເຈນ ແລະ ໄວທີ່ສຸດ, ປະຕິບັດການໜູນຊ່ວຍດ້ານເຕັກນິກລະຫວ່າງບັນດາປະເທດ ເພື່ອສາມາດນຳໃຊ້ພາຫະນະສື່ສານຢ່າງຖືກຕ້ອງເຂົ້າໃນຈຸດປະສົງຊຸກຍູ້ປະຊາທິປະໄຕ, ເໝາະສົມກັບຜົນປະໂຫຍດແຫ່ງຊາດ, ຂອງຊາດ ແລະ ປະຊາຄົມສາກົນ, ເພີ່ມທະວີການຮ່ວມມືສາກົນໃນຂົງເຂດຮັບປະກັນຄວາມສະຫງົບປອດໄພທາງດ້ານເຄືອຂ່າຍອີນເຕີແນັດ.