ປ້ອງກັນ,ສະກັດກັ້ນວິກິດການ-ສານຂອງເລຂາທິການໃຫຍ່ ສປຊ ຄົນໃໝ່ ຕໍ່ສະພາຄວາມໝັ້ນຄົງ
ທ່ານເລຂາທິການໃຫຍ່ ສປຊ ຄົນໃໝ່ Antonio Guterres (ຜູ້ທີສອງ, ເບື້ອງຂວາ, ແຖວໜ້າ)
(ພາບ: ສຳນັກຂ່າວສານ ຊິນຮວາ/TTXVN)
|
(vovworld) - ວັນທີ 10/1, ທ່ານ Antonio Guterres, ເລຂາທິການໃຫຍ່ສະຫະປະຊາຊາດ ຄົນໃໝ່ມີບົດກ່າວປາໄສທາງການຄັ້ງທຳອິດຕໍ່ສະພາຄວາມໝັ້ນຄົງ ສປຊ, ໃນນັ້ນ, ທ່ານໄດ້ເນັ້ນໜັກເຖິງເລື່ອງຕ້ອງມີບັນດາຄວາມມານະພະຍາຍາມຢ່າງແຮງຈຶ່ງສາມາດສ້າງ ແລະ ຮັກສາສັນຕິພາບຜ່ານບັນດາການເຄື່ອນໄຫວປ້ອງກັນ, ສະກັດກັ້ນ, ແກ້ໄຂການປະທະກັນເຖິງຕະຫຼອດຮອດການຮັກສາສັນຕິພາບ, ສ້າງສັນສັນຕິພາບ ແລະ ພັດທະນາແບບຍືນຍົງ.
ທີ່ວາລະປຶກສາຫາລື, ທ່ານກໍ່ແຈ້ງໃຫ້ບັນດາສະມາຊິກສະພາຄວາມໝັ້ນຄົງ ສປຊ ຮັບຊາບກ່ຽວກັບບັນດາຂໍ້ລິເລີ່ມໃນການປະຕິຮູບຄະນະເລຂາ ສປຊ, ພິເສດແມ່ນຂອດອອກລັດຖະນະໂຍບາຍ ກໍ່ຄືວິວັດການເພີ່ມທະວີການສົມທົບກັນລະຫວ່າງບັນດາເສົາຄ້ຳຂອງ ສປຊ - ສັນຕິພາບ ແລະ ຄວາມໝັ້ນຄົງ, ສິດທິມະນຸດ ແລະ ການພັດທະນາ. ທ່ານກໍ່ກະຕຸກຊຸກຍູ້ ສະພາຄວາມໝັ້ນຄົງ ສປຊ ໝູນໃຊ້ບັນດາຂໍ້ມາດຕາທີ່ໄດ້ກຳນົດໃນພາກທີ 6 ຂອງກົດບັດ ສປຊ ເພື່ອເຂົ້າຮ່ວມແກ້ໄຂບັນດາການປະທະກັນດ້ວຍມາດຕະການສັນຕິພາບກ່ວາອີກ.