ປະກາດບົດລາຍງານ ສິ່ງແວດລ້ອມແຫ່ງ ຊາດປີ 2013
Ngọc Anh -
ທ່ານບຸຍແກກຕວຽນ-ລັດຖະມົນຕີຊ່ວຍວ່າກະຊວງ
ຊັບພະຍາກອນ ແລະ ສິ່ງແວດລ້ອມຫວຽດນາມກ່າວຄຳເຫັນທີ່ພິທີປະກາດ
(ພາບ: vov5)
(vovworld) – ຕອນບ່າຍວັນທີ 18/9, ຢູ່ຮ່າໂນ້ຍ, ກະຊວງຊັບພະຍາກອນ ແລະ ສິ່ງແວດລ້ອມຫວຽດນາມ ໄດ້ຈັດພິທີປະກາດບົດລາຍງານສິ່ງແວດລ້ອມແຫ່ງຊາດປີ 2013 ດ້ວຍຫົວເລື່ອງ “ສິ່ງແວດລ້ອມອາກາດ“ ເພື່ອແນໃສ່ວິເຄາະບັນດາບັນຫາກ່ຽວຂ້ອງເຖິງສິ່ງແວດລ້ອມອາກາດຂອງຫວຽດນາມ ໄລຍະ 2008-2013.
ບົດລາຍງານໃຫ້ຮູ້ວ່າ, ໃນຊຸມປີຜ່ານມາ, ວຽກງານປົກປັກຮັກສາສິ່ງແວດລ້ອມອາກາດສືບຕໍ່ໄດ້ຮັບການຍູ້ແຮງ ແລະ ໄດ້ຮັບບັນດາໝາກຜົນທີ່ດີ.
ບົດລາຍງານໃຫ້ເຫັນວ່າບັນຫາມົນລະພິດຂີ້ຟຸ່ນຢູ່ຫວຽດນາມ ແມ່ນບັນຫາພົ້ນເດັ່ນກ່ວາໝູ່. ຫວຽດນາມ ຍັງມີໄພຖືກກະທົບຈາກແຫຼ່ງອາກາດຖືກມົນລະພິດຂ້າມຊາຍແດນ. ເພື່ອແກ້ໄຂບັນຫາດັ່ງກ່າວ, ບົດລາຍງານສິ່ງແວດລ້ອມແຫ່ງຊາດຍົກອອກບາງຂໍ້ສະເໜີຕໍ່ສະພາແຫ່ງຊາດ ແລະ ລັດຖະບານ. ໃນນັ້ນ, ມີການກວດກາ, ດັດແປງ, ປະກາດເພີ່ມເຕີມບັນດາເອກະສານນະໂຍບາຍ, ກົດໝາຍສະເພາະກ່ຽວກັບສິ່ງແວດລ້ອມອາກາດ, ສ້າງລັດຖະດຳລັດກ່ຽວກັບອາກາດປອດໂປ່ງ…ພ້ອມທັງສ້າງກົນໄກ, ນະໂຍບາຍດຶງດູດການລົງທຶນ, ຍູ້ແຮງການຫັນວຽກງານປົກປັກຮັກສາສິ່ງແວດລ້ອມອາກາດເປັນວຽກງານຂອງສັງຄົມ./.
Ngọc Anh