(ທ່ານປະທານສະພາແຫ່ງຊາດ ຫງວຽນຊິງຮຸ່ງ
ຕ້ອນຮັບປະທານ IPU)
(vovworld) – “ຫວຽດນາມ ກະກຽມທຸກເນື້ອໃນຢ່າງລະອຽດເຖິງຖອງ, IPU 132 ຈະປະສົບຜົນສຳເລັດຢ່າງແນ່ນອນ ແລະ ສ້າງຄວາມປະທັບໃຈຢ່າງເລິກເຊິ່ງ“. ນັ້ນແມ່ນຄຳເຫັນຂອງທ່ານປະທານ IPU Saber Choudhury ທີ່ການພົບປະກັບທ່ານປະທານສະພາແຫ່ງຊາດ ຫງວຽນຊິງຮຸ່ງ ໃນຕອນເຊົ້າວັນທີ 25/3, ຢູ່ຮ່າໂນ້ຍ. ທ່ານປະທານ IPU ສະແດງຄວາມປະທັບໃຈຕໍ່ວຽກງານກະກຽມຂອງປະເທດເຈົ້າພາບຈັດຕັ້ງ IPU 132 ແລະ ເນັ້ນໜັກວ່າ, ກອງປະຊຸມໃຫຍ່ຄັ້ງນີ້ມີຄວາມໝາຍພິເສດໃນສະພາບບັນດາປະເທດມານະພະຍາຍາມເພື່ອບັນລຸໄດ້ຂໍ້ຕົກລົງສາກົນຕ່າງໆ. ກ່ຽວກັບຫົວຂໍ້ຂອງ IPU 132, ທ່ານຖືວ່າ, ນີ້ແມ່ນບັນດາເນື້ອໃນທີ່ອຸດົມສົມບຸນ ແລະ ແທດຈິງ, ເຊິ່ງໄດ້ຮັບຄວາມສົນໃຈຈາກປະເທດຕ່າງໆ, ໃນນັ້ນໄດ້ເຕື້ອງເຖິງບັນດາບັນຫາຄື: ບັນຫານຳ້, ຄວາມປອດໄພທາງເຄືອຂ່າຍອິນເຕີແນດ, ກົດໝາຍສາກົນ… ທ່ານປະທານ IPU ຫວັງວ່າ, IPU 132 ຈະຍົກອອກບັນດາຂໍ້ຕົກລົງທີ່ມີຄວາມໝາຍແທດຈິງໃຫ້ແກ່ປະຊາຄົມ.
ການນຳ IPU ປະເທດຕ່າງໆກໍ່ລ້ວນແຕ່ຕີລາຄາສູງວຽກງານກະກຽມຂອງປະເທດເຈົ້າພາບຫວຽດນມ. ທ່ານເລຂາທິການໃຫຍ່ IPU Martin Chungong, ຢືນຢັນວ່າ:
“ພວກຂ້າພະເຈົ້າມີຄວາມປະທັບໃຈທີ່ສຸດຕໍ່ການກະກຽມຢ່າງລະອຽດ, ເຖິງຖອງຂອງປະເທດເຈົ້າພາບຫວຽດນາມ, ບໍ່ພຽງແຕ່ວຽກງານພະລາທິການເທົ່ານັ້ນ, ຫາກນັບທັງດ້ານເນື້ອໃນ, ຫົວເລື່ອງປຶກສາຫາລືອີກດ້ວຍ. IPU ແມ່ນໂອກາດເພື່ອໃຫ້ປະເທດເຈົ້າພາບຫວຽດນາມ ແນະນຳເຖິງບັນດາຜູ້ແທນຢູ່ໂລກກ່ຽວກັບບາດກ້າວພັດທະນາໃໝ່ຢູ່ຫວຽດນາມ, ບາດກ້າວໃນການເຄື່ອນໄຫວລັດຖະສະພາຢູ່ຫວຽດນາມ, ໃນການຊຸກຍູ້ປະຊາທິປະໄຕ ແລະ ບໍລິຫານຢູ່ສະພາແຫ່ງຊາດ“.
ສ່ວນທ່ານນາງເອກອັກຄະລັດຖະທູດ Anda Filip, ຫົວໜ້າກົມພົວພັນກັບຕ່າງປະເທດ ແລະ ບັນດາລັດຖະສະພາສະມາຊິກຂອງ IPU ກໍ່ສະແດງຄວາມເພິ່ງພໍໃຈຕໍ່ວຽກງານກະກຽມຂອງປະເທດເຈົ້າພາບຫວຽດນາມ:
“ກ່ອນນີ້ 10 ປີ ຂ້າພະເຈົ້າມາຮ່າໂນ້ຍ, ແລະ ການມາຮ່າໂນ້ຍ ຄັ້ງນີ້ ໄດ້ສ້າງຄວາມປະທັບໃຈທີ່ສຸດໃຫ້ແກ່ຂ້າພະເຈົ້າ, ດ້ວຍການພັດທະນາຂອງນະຄອນທີ່ທັນສະໄໝ. ວຽກງານຈັດຕັ້ງຂອງພວກເພື່ອນກໍ່ມີລັກສະນະອາຊີບທີ່ສຸດ. ຂ້າພະເຈົ້າເຊື່ອໝັ້ນວ່າ IPU 132 ຢູ່ຮ່າໂນ້ຍຈະປະສົບຜົນສຳເລັດຢ່າງແນ່ນອນ“