ທ່ານປະທານາທິບໍດີ ອິນເດຍ Ram Nath Kovind (ພາບ: Baoquocte)

ການຢ້ຽມຢາມ ມີຄວາມໝາຍສຳຄັນໃນການສືບຕໍ່ປັບປຸງ ແລະ ພັດທະນາການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ ຫວຽດນາມ - ອິນເດຍ.

       ການຢ້ຽມຢາມທາງລັດຖະກິດຢູ່ ຫວຽດນາມ ຂອງທ່ານປະທານາທິບໍດີ ອິນເດຍ Ram Nath Kovind ຈະປະກອບສ່ວນຊຸກຍູ້ການຮ່ວມມື 2 ຝ່າຍໃນຫລາຍຂົງເຂດກ່ວາອີກ. ນັ້ນແມ່ນຂໍ້ສັງເກດລວມຂອງວົງການນັກຊ່ຽວຊານ ແລະ ນັກຮຽນຮູ້ ອິນເດຍ ກ່ຽວກັບການຢ້ຽມຢາມນີ້.

       ປະລິນຍາເອກ Faisal Ahmed ຫົວໜ້າຂະແໜງການຄ້າສາກົນຂຶ້ນກັບມະຫາວິທະຍາໄລບໍລິຫານ FORE, ຢູ່ New Delhi ໃຫ້ຂໍ້ສັງເກດວ່າ ການຢ້ຽມຢາມ ຫວຽດນາມ ຂອງທ່ານປະທານາທິບໍດີ Ram Nath Kovind ຈະເຮັດໃຫ້ການພົວພັນຮ່ວມມື 2 ຝ່າຍເລິກເຊິ່ງກ່ວາອີກ, ພິເສດແມ່ນ ຫວຽດນາມ ເປັນປະເທດສຳຄັນໃນນະໂຍບາຍ “ການກະທຳມຸ່ງໄປສູ່ທິດຕາເວັນອອກ” ຂອງ ອິນເດຍ.