(vovworld) – ວັນທີ 24/9, ທ່ານນາງປະທານາທິບໍດີ ສ. ເກົາຫຼີ Park Geun – hye ຮຽກຮ້ອງແກ້ໄຂຮີບດ່ວນ ບັນຫານິວເຄຼຍຂອງ ສປປ ເກົາຫຼີ, ຖືວ່ານີ້ແມ່ນບັນຫາ “ນາບຂູ່ເຖິງສັນຕິພາບໂລກຢ່າງໜັກໜ່ວງ”. ກ່າວຄຳເຫັນທີ່ວາລະປະຊຸມຂອງ ສະມັດຊາໃຫຍ່ ສປຊ ຢູ່ ນິວຢອກ, ປະເທດ ອາເມລິກາ, ທ່ານນາງ Park Geun – hye ຊີ້ແຈ້ງວ່າ : ໂຄງການນິວເຄຼຍຂອງ ພຽງຢາງ ໄດ້ລະເມີດສົນທິສັນຍາເກືອດຫ້າມການແຜ່ຂະຫຍາຍອາວຸດນິວເຄຼຍ (NPT). ສ ເກົາຫຼີ ໃຫ້ຄຳໝັ້ນສັນຍາໜູນຊ່ວຍພັດທະນາພື້ນຖານເສດຖະກິດ ສປປ ເກົາຫຼີ ຖ້າຫາກ ພຽງຢາງ ປະລະໂຄງການນິວເຄຼຍຂອງຕົນ.
ເມື່ອເຕື້ອງເຖິງເຂດປອດການທະຫານ (DMZ) ຢູ່ເຂດຊາຍແດນລະຫວ່າງ 2 ພາກ ເກົາຫຼີ, ທ່ານນາງປະທານາທິບໍດີ Park Geun – hye ຮຽກຮ້ອງໃຫ້ ສປຊ ສຸມໃສ່ທຸກໆຄວາມມານະພະຍາຍາມສ້າງຕັ້ງ “ສວນສາທາລະນະສັນຕິພາບສາກົນ” ເພື່ອແນໃສ້ສ້າງເງື່ອນໄຂພົວພັນແລກປ່ຽນປະຊາຊົນກັບການຮ່ວມມືຂອງ ສປປ ເກົາຫຼີ, ອາເມລິກາ ແລະ ຈີນ.