ປະທານແນວໂຮມປະເທດຊາດຫວຽດນາມຫງວຽນທ້ຽນເຍີນຕ້ອນຮັບເອກອັກຄະລັດຖະທູດຈີນປະຈຳຫວຽດນາມ
ປະທານແນວໂຮມປະເທດຊາດຫວຽດນາມຫງວຽນທ້ຽນເຍີນຕ້ອນຮັບເອກອັກຄະລັດຖະທູດຈີນປະຈຳຫວຽດນາມ
(ພາບ: VGP/Từ Lương)
(vovworld) – ຕອນບ່າຍວັນທີ 29/7, ທີ່ການຕ້ອນຮັບທ່ານເອກອັກຄະລັດຖະທູດ ຈີນ ຝູງຊ໋າວຢຸ້ງ ເຂົ້າຢ້ຽມຂຳ່ນັບເນື່ອງໃນໂອກາດເລີ່ມປະຕິບັດໜ້າທີ່ການທູດຢູ່ ຫວຽດນາມ, ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ຫງວຽນທ້ຽນເຍີນ ຖືວ່າ: ຫວຽດນາມ ແລະ ຈີນ ແມ່ນ 2 ປະເທດບ້ານໃກ້ເຮືອນຄຽງ, ພັກ, ລັດ ແລະ ປະຊາຊົນ ຫວຽດນາມ ຍາມໃດກໍ່ຖືການພົວພັນຖານບ້ານໃກ້ເຮືອນຄຽງ, ການຮ່ວມມືມິດຕະພາບລະຫວ່າງປະຊາຊົນ 2 ປະເທດເປັນສຳຄັນ. ຫວຽດນາມປາດວ່າ “ຈີນ ຖືການພັດທະນາຂອງ ຫວຽດນາມ ກໍ່ແມ່ນໂອກາດພັດທະນາຂອງຕົນ ແລະ ການພັດທະນາຂອງ ຫວຽດນາມ ກໍ່ແມ່ນການພັດທະນາຂອງ ຈີນ”. ທ່ານ ຫງວຽນທ້ຽນເຍີນ ຫວັງວ່າ: ທ່ານເອກອັກຄະລັດຖະທູດ ຝູງຊ໋າວຢຸ້ງ ຈະເສີມຂະຫຍາຍບົດບາດເປັນຂົວເຊື່ອມຕໍ່ສຳຄັນ, ປະກອບສ່ວນຢ່າງແທດຈິງເຂົ້າໃນການຮ່ວມມືຮອບດ້ານລະຫວ່າງ 2 ພັກ, 2 ລັດ ໃນໄລຍະຈະມາເຖິງ.
ສ່ວນທ່ານເອກອັກຄະລັດຖະທູດ ຝູງຊ໋າວຢຸ້ງ ຢືນຢັນຈະເຮັດຈົນສຸດຄວາມສາມາດຂອງຕົນເພື່ອຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານ ຈີນ - ຫວຽດນາມ, ສືບຕໍ່ພັດທະນາຢ່າງເໝາະສົມກັບຜົນປະໂຫຍດກໍ່ຄືການພັດທະນາຂອງແຕ່ລະປະເທດ, ປະກອບສ່ວນເຂົ້າໃນການຮັກສາສັນຕິພາບ, ສະຖຽນລະພາບ ແລະ ຄວາມວັດທະນາຖາວອນຂອງພາກພື້ນ.