ຜູ້ກຳກັບການສະແດງຟິມຮູບເງົາ“ກົງ: ເກາະກະໂຫຼກຫົວ” ກາຍເປັນທູດທ່ອງທ່ຽວຫວຽດນາມ
ທ່ານ Jordan Vogt – Roberts ຜູ້ກຳກັບການສະແດງຟິມຮູບເງົາ “ ກົງ: ເກາະກະໂຫຼກຫົວ” (ຜູ້ຈົ່ງໜວດ) |
(vovworld)- ທ່ານ Jordan Vogt – Roberts ຜູ້ກຳກັບການສະແດງຟິມຮູບເງົາ “ ກົງ: ເກາະກະໂຫຼກຫົວ” ກາຍເປັນທູດທ່ອງທ່ຽວຫວຽດນາມອາຍຸການ 2017-2020. ຕາມຂໍ້ຕົກລົງຂອງລັດຖະມົນຕີກະຊວງວັດທະນະທຳກິລາ ແລະ ທ່ອງທ່ຽວແລ້ວ, ທ່ານ Jordan Vogt – Roberts ທູດທ່ອງທ່ຽວຫວຽດນາມ ຄາດວ່າ ຈະເຂົ້າຮ່ວມບັນດາການເຄື່ອນໄຫວໂຄສະນາ, ສົ່ງເສີມການທ່ອງທ່ຽວຫວຽດນາມໂດຍຜ່ານບັນດາການເຄື່ອນໄຫວສື່ມວນຊົນ, ສິລະປະ ແລະ ບັນດາການເຄື່ອນໄຫວອື່ນໆກັບມວນຊົນ. ກ່າວຄຳເຫັນທີ່ພິທີມອບຂໍ້ຕົກລົງແຕ່ງຕັ້ງ ເມື່ອຕອນບ່າຍວັນທີ 13/3, ທ່ານ Jordan Vogt – Roberts ເວົ້າວ່າ : (ເທບ)
“ ຄວາມຮູ້ສຶກຂອງຂ້າພະເຈົ້າເມື່ອໄດ້ຮັບຂໍ້ຕົກລົງແຕ່ງຕັ້ງເປັນທູດທ່ອງທ່ຽວຫວຽດນາມຂອງ ກະຊວງວັດທະນະທຳກິລາ ແລະ ທ່ອງທ່ຽວແມ່ນເປັນໜ້າຕົກສະເງີ້ ແລະ ເອກອ້າງທະນົງໃຈ. ຂ້າພະເຈົ້າມີຄວາມເອກອ້າງທະນົງໃຈຍ້ອນເປັນຜູ້ທີ່ມີກຽດ ແລະ ມີໂອກາດໄດ້ແນະນຳກ່ຽວກັບປະເທດຊາດ, ປະຊາຊົນ ແລະ ມູນເຊືອອັນດີງາມທາງດ້ານວັດທະນະທຳຂອງຫວຽດນາມ. ໄລຍະຖ່າຍທຳຟິມຮູບເງົາ “ ກົງ: ເກາະກະໂຫຼກຫົວ”, ຂ້າພະເຈົ້າໄດ້ເຫັນປະຈັກຕາປະເທດຫວຽດນາມສວຍສົດງົດງາມ, ຂ້າພະເຈົ້າມີຄວາມສຸກແທ້ຍ້ອນ ກາຍເປັນທູດທ່ອງທ່ຽວຫວຽດນາມ”