ຜັນຂະຫຍາຍລາຍການ ເຄື່ອນໄຫວຕິດຕາມ ກວດກາຂອງສະພາ ແຫ່ງຊາດ ປີ 2015
(ພາບປະກອບ: dangcongsan.vn)
(vovworld)- ຕອນເຊົ້າວັນທີ 17/12, ຢູ່ຮ່າໂນ້ຍ, ຫ້ອງວ່າການສະພາແຫ່ງຊາດໄດ້ຈັດກອງປະຊຸມຜັນຂະຫຍາຍລາຍການເຄື່ອນໄຫວຕິດຕາມກວດກາຂອງສະພາແຫ່ງຊາດ, ຄະນະປະຈຳສະພາແຫ່ງຊາດ ແລະ ວຽກງານປະສານສົມທົບການເຄື່ອນໄຫວຕິດຕາມກວດກາປີ 2015. ທີ່ການປະຊຸມ, ຜູ້ຕາງໜ້າສະພາຊົນເຜົ່າ, ບັນດາຄະນະກຳມາທິການຂອງສະພາແຫ່ງຊາດ, ບັນດາກະຊວງ, ຂະແໜງການ, ອົງການທີ່ກ່ຽວຂ້ອງໄດ້ລາຍງານລະດັບຄວາມໄວ, ວຽກງານກະກຽມເພື່ອຜັນຂະຫຍາຍມະຕິຂອງສະພາແຫ່ງຊາດ, ຄະນະປະຈຳສະພາແຫ່ງຊາດກ່ຽວກັບລາຍການເຄື່ອນໄຫວຕິດຕາມກວດກາປີ 2015. ທ່ານຮິງອກເຊີນ, ຮອງປະທານສະພາແຫ່ງຊາດຫວຽດນາມ ສະເໜີ: ສະພາຊົນເຜົ່າ, ບັນດາຄະນະກຳມາທິການຂອງສະພາແຫ່ງຊາດຕ້ອງຮີບເຮັ່ງສ້າງລາຍການເຄື່ອນໄຫວຕິດຕາມກວດກາ, ການເຄື່ອນໄຫວອະພິປາຍຂອງຕົນໃນປີ 2015 ສຳເລັດ. ບັນດາອົງການຂອງສະພາແຫ່ງຊາດຕ້ອງສືບຕໍ່ເພີ່ມທະວີການສົມທົບກັບຄະນະກຳມະການສູນກາງແນວໂຮມປະເທດຊາດຫວຽດນາມ, ອົງການກວດຊອບບັນຊີແຫ່ງລັດ ໃນການຜັນຂະຫຍາຍ, ປະຕິບັດການເຄື່ອນໄຫວຕິດຕາມກວດກາ. ຍົກສູງຄຸນນະພາບການຕິດຕາມກວດກາໃນການແກ້ໄຂຂໍ້ສະເໜີຂອງຜູ້ມີສິດເລືອກຕັ້ງ, ການຮ້ອງທຸກ, ຮ້ອງຟ້ອງຂອງພົນລະເມືອງ, ຕິດຕາມກວດກາການປະກາດໃຊ້ເອະສານກົດໝາຍ./.