ທ່ານ John Kerry ລັດຖະມົນຕີກະຊວງການຕ່າງປະເທດ ອາເມລິກາ
(ພາບ: AP)
(vovworld) -ຕອນບ່າຍວັນທີ 13/1, ທ່ານ John Kerry ລັດຖະມົນຕີກະຊວງການຕ່າງປະເທດ ອາເມລິກາ ປະຈຳ ຫວຽດນາມ ໄດ້ມີການໂອ້ລົມກ່ຽວກັບການພົວພັນລະຫວ່າງ ຫວຽດນາມ - ອາເມລິກາ, ກັບບັນດານັກສຶກສາມະຫາວິທະຍາໄຍສ້າງຄູເຕັກນິກນະຄອນ ໂຮ່ຈີມິນ. ທີ່ການໂອ້ລົມ, ທ່ານ John Kerry ຢືນຢັນຄືນໃໝ່ວ່າ ອາເມລິກາ ມີຄວາມເອົາໃຈໃສ່ ແລະ ຢາກສ້າງການພົວພັນ ຮ່ວມມືກັບ ຫວຽດນາມ, ສ້າງລະດັບເຕີບໂຕດ້ານເສດຖະກິດຢ່າງໝັ້ນຄົງ. ທ່ານ John Kerry ສະແດງຄວາມເອກອ້າງທະນົງໃຈຕໍ່ການພົວພັນລະຫວ່າງ ຫວຽດນາມ - ອາເມລິກາ, ພາຍໃນເວລາ 20 ປີມານີ້, ການພົວພັນລະຫວ່າງສອງປະເທດໄດ້ຮັບການຍົກຂຶ້ນສູ່ລະດັບສູງໃໝ່… ປະຈຸບັນ ຫວຽດນາມເປັນຄູ່ຮ່ວມມືຂອງ ອາເມລິກາໃນຂໍ່ລິເລີ່ມຮັກສາສັນຕິພາບໂລກ. ຝ່າຍ ອາເມລິກາພວມຮ່ວມມືຊ່ວຍເຫຼືອ ຫວຽດນາມ ໃນຫຼາຍຂົງເຂດຄື: ການສຶກສາ, ການປ້ອງກັນຊາດປ້ອງກັນຄວາມສະຫງົບ, ໜູນຊ່ວຍຫວຽດນາມ ເພີ່ມທະວີການປົກປັກຮັກສາທະເລ, ໝູ່ເກາະຂອງຕົນ.
“ຂ້າພະເຈົ້າເຊື່ອໝັ້ນວ່າ, ໃນປະຫວັດສາດຂອງມວນມະນຸດ ບໍ່ທັນມີປະເທດໃດທີ່ມີຄວາມມານະພະຍາຍາມຮ່ວມມື ຊອກຫາອັດຖິນັກຮົບທີ່ ເສຍສະຫຼະຊີວິດໃນປາງສົງຄາມຄື ອາເມລິກາ ແລະ ຫວຽດນາມ. ພວກເຮົາຕ້ອງເອກອ້າງທະນົງໃຈຕໍ່ການພົວພັນຮ່ວມມືນີ້. ດັ່ງນັ້ນພວກຂ້າພະເຈົ້າພ້ອມແລ້ວທີ່ຈະຊ່ວຍເຫຼືອຫວຽດນາມແກ້ໄຂບັນຫານີ້“.
ເມື່ອເຕື້ອງເຖິງສັນຍາຄູ່ຮ່ວມມືຂ້າມປາຊີຟິກ (TPP), ທ່ານ John Kerry ຖືວ່າ, ຫວຽດນາມຄວາມບຸລິມາສິດເລືອກເຟັ້ນບັນດາຄຸນຄ່າທີ່ລະບຸໄວ້ໃນສັນຍານີ້… ກ່ຽວກັບບັນຫາທະເລຕາເວັນອອກ, ທ່ານ John Kerry ຢືນຢັນວ່າ, ອາເມລິກາ ສະໜັບສະໜູນການແກ້ໄຂບັນຫາດ້ວຍກົດໝາຍສາກົນ, ບໍ່ອະນຸຍາດໃຫ້ປະເທດໃຫຍ່ນາບຂູ່ປະເທດນ້ອຍ.
ວັນທີ 14/1, ທ່ານ John Kerry ໄດ້ໄປຢ້ຽມຢາມແຂວງ ກ່າເມົາ, ປຶກສາຫາລືກັບບັນດານັກຊ່ຽວຊານທ້ອງຖີ່ນ ກ່ຽວກັບບັນຫາສິ່ງແວດລ້ອມ, ການສົມທົບກັນພັດທະນາພະລັງງານປ່ຽນແທນ ແລະ ພື້ນຖານໂຄງລ່າງໝັ້ນຄົງ, ການຄຸ້ມຄອງຊັບພະຍາກອນນ້ຳ ແລະ ລະບົບຊີວະພາບຢ່າງສະຫຼາດສະຫຼຽວ.