(ພາບປະກອບ)
(vovworld) - ຕອນຄ່ຳວັນທີ 23/03, ທີ່ນະຄອນ ດ່າໜັງ, ສູນກາງຄະນະຊາວໜຸ່ມກອມມູນິດ ໂຮ່ຈີມິນ ຈັດຕັ້ງພິທີສະເຫຼີມສະຫຼອງ 86 ປີແຫ່ງວັນສ້າງຕັ້ງຄະນະຊາວໜຸ່ມກອມມູນິດ ໂຮ່ຈີມິນ (26/03/1931 – 26/03/2017) ແລະ ມອບລາງວັນ ຫຼີຕຶ້ຈ້ອງ ປີ 2017. ທີ່ພິທີ, ທ່ານນາງ ເຈືອງທິມາຍ ຫົວໜ້າຄະນະຂົນຂວາຍປະຊາຊົນສູນກາງ ໄດ້ຍ້ອງຍໍຄວາມມານະພະຍາຍາມສູ້ຊົນ ແລະ ການປະກອບສ່ວນຢ່າງໃຫຍ່ຫລວງຂອງບັນດາລຸ້ນພະນັກງານ, ສະມາຊິກຊາວໜຸ່ມ, ຊາວໜຸ່ມ ໃນທົ່ວປະເທດ. ທ່ານນາງ ເຈືອງທິມາຍ ເນັ້ນໜັກວ່າ:
“ເພື່ອສ້າງລຸ້ນຊາວໜຸ່ມໃນສະໄໝໃໝ່ມີຄຸນສົມບັດ, ມີພູມປັນຍາ, ມີຄວາມໄຝ່ຝັນສູງ, ຄະນະຊາວໜຸ່ມຄວນສືບຕໍ່ປ່ຽນໃໝ່ຢ່າງແຮງທັງເນື້ອໃນ ແລະ ວິທີການເຄື່ອນໄຫວ, ຍົກສູງວຽກງານສຶກສາອົບຮົມ, ລະດົມກຳລັງໃຈຊາວໜຸ່ມຮ່ຳຮຽນ, ປະຕິບັດຕາມແບບຢ່າງຄຸນສົມບັດ, ແບບແຜນການດຳລົງຊີວິດປະທານ ໂຮ່ຈີມິນ ຢ່າງມີປະສິດທິຜົນ. ບັນດາຂະບວນການເຄື່ອນໄຫວຂອງຄະນະຊາວໜຸ່ມຕ້ອງມຸ່ງໄປເຖິງໄວໜຸ່ມ ເພື່ອເບິ່ງແຍງດູແລໜູນຊ່ວຍ ຮ່ວມເດີນທາງພ້ອມກັບຊາວໜຸ່ມສ້າງອາຊີບ. ບົນພື້ນຖານນັ້ນ ຂົນຂວາຍໄວໜຸ່ມຍົກສູງຄວາມຮູ້ຫົວຄິດປະດິດສ້າງປະຈັນບານອາສາສະໝັກ ”
ແລະກໍ່ພິທີສະເຫຼີມສະຫຼອງ, ຜູ້ແທນດີເດັ່ນ 87 ຄົນທີ່ເປັນເລຂາຄະນະຊາວໜຸ່ມຂັ້ນເມືອງ, ເລຂາຄະນະຊາວໜຸ່ມຂັ້ນທ້ອງຖິ່ນ ແລະ ສະມາຊິກຊາວໜຸ່ມດີເດັ່ນ ເຊິ່ງມີຜົນງານດີເດັ່ນໃນການຮ່ຳຮຽນ, ອອກແຮງງານ, ປະຕິບັດງານໃນວຽກງານຊາວໜຸ່ມ ແລະ ຂະບວນການຊາວໜຸ່ມ ເຍົາວະຊົນ ອະນຸຊົນ ມີຄວາມເປັນກຽດໄດ້ຮັບລາງວັນ ຫຼີຕຶ້ຈ້ອງ 2017.