ຄະນະຜູ້ແທນການນຳພັກ, ລັດຫວຽດນາມໄປວາງພວງມາລາ ແລະ ເຂົ້າຄຳນັບສຸສານປະທານໂຮ່ຈິມິນ
|
(vovworld)- ເນື່ອງໃນໂອກາດສະເຫຼີມສະຫຼອງ 67 ປີແຫ່ງວັນທະຫານ ເສຍອົງຄະ, ນັກຮົບເສຍສະຫຼະ ຊີວິດເພື່ອຊາດ(27/7/1947-27/7/2014), ຕອນເຊົ້າວັນທີ 25/7, ຢູ່ຮ່າໂນ້ຍ, ຄະນະຜູ້ແທນພັກ, ລັດໄດ້ໄປວາງພວງມາລາ, ຖະຫວາຍທູບທຽນບູຊາ ອາໄລຫາບັນດາ ນັກຮົບເສຍສະຫຼະຊີວິດເພື່ອຊາດຢູ່ ອະນຸສາວະລີບັນດານັກຮົບເສຍສະຫຼະຊີວິດເພື່ອຊາດຢູ່ເສັ້ນທາງ ບັກເຊີນ ແລະ ເຂົ້າຄຳນັບສຸສານປະທານໂຮ່ຈິມິນ.
ຄະນະຜູ້ແທນການນຳພັກ, ລັດຫວຽດນາມມີ ທ່ານເລຂາທິການໃຫຍ່ພັກກອມມູນິດຫວຽດນາມ ຫງວຽນຟູ້ຈ້ອງ, ທ່ານປະທານປະເທດຫວຽດນາມ ເຈືອງເຕີ້ນຊາງ, ທ່ານນາຍົກລັດຖະມົນຕີຫວຽດນາມ ຫງວຽນເຕີ້ນຢຸງ, ທ່ານປະທານສະພາແຫ່ງຊາດຫວຽດນາມຫງວຽນຊິງຮຸ່ງ, ທ່ານປະທານສູນກາງແນວໂຮມປະເທດຊາດຫວຽດນາມ ຫງວຽນທ້ຽນເຍີນ, ບັນດາອະດີດການນຳພັກ, ສະພາແຫ່ງຊາດ ພ້ອມກັບການນຳບັນດາກະຊວງ, ຂະແໜງການຕ່າງໆໄດ້ໄປວາງພວງມາລາ, ຖະຫວາຍທູບທຽນບູຊາ ອາໄລຫາບັນດານັກຮົບ ເສຍສະຫຼະຊີວິດເພື່ອຊາດຢູ່ ອະນຸສາວະລີບັນດານັກຮົບເສຍສະຫຼະຊີວິດເພື່ອ ຊາດ.
ຕໍ່ຈາກນັ້ນ, ຄະນະຜູ້ແທນພັກ,ລັດໄດ້ໄປວາງພວງມາລາ ແລະ ເຂົ້າຄຳນັບສຸສານປະທານໂຮ່ຈິມິນ ຜູ້ນຳທີ່ຍິ່ງໃຫຍ່ຂອງຊາດຫວຽດນາມ.
ແລະ ກໍໃນວັນດຽວກັນ, ຄະນະຜູ້ແທນຄະນະພັກການທະຫານສູນກາງ ແລະ ກະຊວງປ້ອງກັນປະເທດ, ຄະນະພັກຕຳຫຼວດສູນກາງ ແລະ ກະຊວງຕຳຫຼວດ, ກະຊວງແຮງງານ, ທະຫານເສຍອົງຄະ ແລະ ສັງຄົມ, ຄະນະຜູ້ແທນຄະນະພັກ, ຄະນະກຳມະການປະຊາຊົນນະຄອນຮ່າໂນ້ຍໄດ້ໄປວາງພວງມາລາ, ຖະຫວາຍທູບທຽນບູຊາ ອາໄລຫາບັນດານັກຮົບເສຍສະຫຼະຊີວິດເພື່ອຊາດຢູ່ ອະນຸສາວະລີບັນດານັກຮົບເສຍສະຫຼະຊີວິດເພື່ອຊາດ ແລະ ເຂົ້າຄຳນັບສຸສານປະທານໂຮ່ຈິມິນເຊັ່ນດຽວກັນ.