ທ່ານເລຂາຄະນະພັກນະຄອນ ຮ່າໂນ້ຍ ຟ້າມກວາງງີ້ ອວຍພອນສະມາ
ຄົມພຸດທະສາສະໜາ ຫວຽດນາມ ເນື່ອງໃນໂອກາດວັນບຸນວິສາຂະບູ
ຊາ 2015 ພສ 2559
(ພາບ: baomoi.com)
|
(vovworld) – ວັນທີ 27/5, ຢູ່ສຳນັກງານຂອງສູນກາງສະມາຄົມພຸດທະສາສະໜາ ຫວຽດນາມ, ນະຄອນຫຼວງ ຮ່າໂນ້ຍ, ທ່ານເລຂາຄະນະພັກນະຄອນ ຮ່າໂນ້ຍ ຟ້າມກວາງງີ້ ໄດ້ລົງຢ້ຽມຢາມ, ອວຍພອນສະມາຄົມພຸດທະສາສະໜາ ຫວຽດນາມ ເນື່ອງໃນໂອກາດວັນບຸນວິສາຂະບູຊາ 2015 ພສ 2559. ທ່ານເລຂາຄະນະພັກນະຄອນ ຮ່າໂນ້ຍ ຟ້າມກວາງງີ້ ໄດ້ຝາກຄຳອວຍພອນອັນດີງາມເຖິງສະມາຄົມພຸດທະສາສະໜາ ຫວຽດນາມ ແລະ ພະສົງສຳມະເນນ, ພຸດທະສາສະນິກກະຊົນທັງຢູ່ພາຍໃນ ແລະ ຕ່າງປະເທດຕ້ອນຮັບວັນບຸນວິສາຂະບູຊາທີ່ເຕັມໄປດ້ວຍຄວາມເບີກບານມ່ວນຊື່ນ ແລະ ສະຫງົບສຸກ, ເຂັ້ມແຂງ, ນັບມື້ນັບປະກອບກຳລັງເຫື່ອແຮງພ້ອມກັບປະຊາຊົນກໍ່ສ້າງນະຄອນຫຼວງ ຮ່າໂນ້ຍ ເວົ້າສະເພາະ ແລະ ປະເທດ ຫວຽດນາມ ເວົ້າລວມໃຫ້ນັບມື້ນັບຮັ່ງມີເຂັ້ມແຂງ. ທ່ານເລຂາຄະນະພັກນະຄອນຫຼວງ ຮ່າໂນ້ຍ ຟ້າມກວາງງີ້ ປາດຖະໜາ ແລະ ເຊື່ອໝັ້ນວ່າ: ສະມາຄົມພຸດທະສາສະໜາ ຫວຽດນາມ ພ້ອມກັບພະສົງສຳມະເນນ, ພຸດທະສາສະນິກກະຊົນຈະສືບຕໍ່ສະໜັບສະໜູນ, ແບ່ງປັນບັນດາຄວາມສະດວກ, ສິ່ງຫຍຸ້ງຍາກເພື່ອປະກອບກຳລັງເຫື່ອແຮງພັດທະນານະຄອນຫຼວງ ໃຫ້ສົມກັບລະດັບພາກພື້ນ ແລະ ໂລກ.