ມອບລາງວັນໃຫ້ການເສັງຊອກຮູ້ກົດໝາຍກ່ຽວກັບທະເລເກາະຫວຽດນາມ
(ພາບປະກອບ)
(vovworld) - ພິທີມອບລາງວັນໃຫ້ການເສັງ “ຊອກຮູ້ກົດໝາຍກ່ຽວກັບທະເລເກາະຫວຽດນາມ ຄັ້ງທຳອິດປີ 2014“ ໄດ້ດຳເນີນໃນຕອນເຊົ້າວັນທີ 21/12 ຢູ່ຮ່າໂນ້ຍ.
ເພື່ອແນໃສ່ຢັ້ງຢືນອະທິປະໄຕຂອງຫວຽດນາມສຳລັບສອງໝູ່ເກາະຮ່ວາງຊາ ແລະ ເຈື່ອງຊາ, ສູນກາງທະນາຍຄວາມຫວຽດນາມ ໄດ້ຊີ້ນຳໜັງສືພິມຊີວິດ ແລະ ກົດໝາຍ; ໜັງສືພິງຜູ້ໃຫ້ຂ່າວ, ຈັດຕັ້ງການເສັງ“ຊອກຮູ້ກົດໝາຍກ່ຽວກັບທະເລເກາະຫວຽດນາມ ຄັ້ງທຳອິດປີ 2014“. ການເສັງນີ້ໄດ້ຮັບການປຸກລະດົມແຕ່ວັນທີ 1/7/2014 – 30/11/2014. ຄະນະຈັດຕັ້ງການເສັງໄດ້ຮັບບົດສອບເສັງ 1000 ກວ່າບົດຂອງໝູ່ຄະນະ ແລະ ສ່ວນບຸກຄົນໃນທຸກແຖບຖີ່ນຂອງປະເທດຊາດ. ຄະນະຈັດຕັ້ງໄດ້ໃຫ້ຄະແນນ ແລະ ເລືອກເຟັ້ນ 58 ບົດ ເຂົ້າຮອບຊິງຊະນະເລີດ.
ຄະນະຈັດຕັ້ງໄດ້ມອບ 11 ລາງວັນໃຫ້ສ່ວນບຸກຄົນ. ໃນນັ້ນມີ ລາງວັນທີໜຶ່ງ 1 ລາງວັນ, ທີ່ມີມູນຄ່າ 15 ລ້ານດົ່ງ, ແມ່ນຂຶ້ນກັບນາງເຈິ່ນບິກຖູຍຢູ່ແຂວງດົ່ງນາຍ ແລະ ມອບ 10 ລາງວັນໃຫ້ໝູ່ຄະນະ. ໃນນັ້ນມີ ລາງວັນ ທີໜຶ່ງ 1 ລາງວັນທີ່ມີມູນຄ່າ 25 ລ້ານດົ່ງ ແມ່ນຂຶ້ນກັບວິທະຍາຄານແ້ອງກັນຄວາມສະຫງົບປະຊາຊົນ, ສັງກັດກະຊວງຕຳຫຼວດ.