ລູກກະແຈເພື່ອບັນລຸຄວາມກ້າວໜ້າຮອບດ້ານກ່ຽວກັບການພັດທະນາມະນຸດ
(ພາບປະກອບ)
(vovworld) - ວັນທີ 5/2, ຢູ່ພິທີປະກາດບົດລາຍງານພັດທະນາມະນຸດ ຫວຽດນາມ ກ່ຽວກັບການເຕີບໂຕຮອບດ້ານ ແລະ ບົດລາຍງານພັດທະນາມະນຸດທົ່ວໂລກປີ 2015 ໂດຍສະພາມະຫາບັນດິດວິທະຍາສາດສັງຄົມ ຫວຽດນາມ ສົມທົບກັບລາຍການພັດທະນາສະຫະປະຊາຊາດ ຈັດຕັ້ງ, ສາສະດາຈານ, ດຣ ຫງວຽນຊວນທັ໋ງ, ປະທານສະພາມະຫາບັນດິດ, ເນັ້ນໜັກວ່າ, ການພັດທະນາຢ່າງຮອບດ້ານແມ່ນລູກກະແຈເພື່ອບັນລຸຄວາມກ້າວໜ້າຮອບດ້ານ ກ່ຽວກັບການພັດທະນາມະນຸດ. ພາຍຫຼັງ 3 ທົດສະວັດແຫ່ງການປ່ຽນແປງໃໝ່, ການພັດທະນາມະນຸດຢູ່ ຫວຽດນາມໄດ້ມີຜົນງານທີ່ໜ້າປະທັບໃຈ, ດັດຊະນີພັດທະນາມະນຸດໄດ້ເພີ່ມຂຶ້ນຢ່າງໄວ ນັບແຕ່ທ້າຍຊຸມປີ 90, ຫວຽດນາມແມ່ນປະເທດທີ່ມີຜົນງານດີທີ່ສຸດກ່ຽວກັບການພັດທະນາມະນຸດໄລຍະ 1990-2000.
ສ່ວນທ່ານນາງ Pratibha Mehta, ຜູ້ປະສານງານປະຈຳສະຫະປະຊາຊາດຢູ່ ຫວຽດນາມ ກໍ່ຊີ້ແຈ້ງເນື້ອໃນຕົ້ນຕໍຂອງບົດລາຍງານວ່າ, ຫວຽດນາມຈະສືບຕໍ່ພັດທະນາສຳເລັດຜົນໄດ້ຫຼືບໍ ແມ່ນອີງໃສ່ຄວາມສາມາດກໍ່ສ້າງພື້ນຖານເສດຖະກິດເພື່ອທຸກຄົນ ແລະ ມີຄວາມຍຸຕິທຳ. ສິ່ງດັ່ງກ່າວແມ່ນເລີ່ມມາຈາກຄວາມສາມາດສະໜອງວຽກເຮັດງານທຳຢ່າງຄົບຖ້ວນ, ກາລະໂອກາດ ແລະ ການອຸປະຖຳໃຫ້ແກ່ທຸກຄົນ, ພິເສດແມ່ນຄົນທຸກຍາກ, ຜູ້ທີ່ມີລາຍຮັບຕຳ່, ຊາວກະສິກອນ...