ລັດຖະມົນຕີກະຊວງປ້ອງກັນປະເທດຍີ່ປຸ່ນປະກາດຂໍ້ລິເລີ່ມເພີ່ມທະວີການຮ່ວມມືປ້ອງກັນຊາດຍີ່ປຸ່ນ-ອາຊຽນ
ທ່ານ Tomomi Inada, ລັດຖະມົນຕີກະຊວງປ້ອງກັນປະເທດ ຍີ່ປຸ່ນ
(ພາບ: REUTERS)
|
(vovworld) – ທ່ານນາງ Tomomi Inada, ລັດຖະມົນຕີກະຊວງປ້ອງກັນປະເທດ ຍີ່ປຸ່ນ ເຫັນດີເປັນເອກະພາບກັບບັນດາຄູ່ຕຳແໜ່ງຢູ່ ອາຊີ ຕາເວັນອອກສ່ຽງໃຕ້ ກ່ຽວກັບການຊຸກຍູ້ ແລະ ເຮັດໃຫ້ການພົວພັນດ້ານປ້ອງກັນປະເທດ ຍີ່ປຸ່ນ - ອາຊຽນ ເລິ່ງເຊິ່ງກ່ວາອີກ, ແລະ ສະເໜີ ຍີ່ປຸ່ນ ເຂົ້າຮ່ວມບັນດາການຊ້ອມຮົບຮ່ວມໃນພາກພື້ນກໍ່ຄືສະໜອງອຸປະກອນ ແລະ ເຕັກໂນໂລຢີປ້ອງກັນຊາດ. ທີ່ກອງປະຊຸມ, 2 ຝ່າຍໄດ້ປຶກສາຫາລືກ່ຽວກັບການຮ່ວມມືປ້ອງກັນຊາດ ຍີ່ປຸ່ນ - ອາຊຽນ, ແລະ ສະເໜີ “ວິໄສທັດ ວຽງຈັນ” ຂອງ ຍີ່ປຸ່ນ. ຂໍ້ລິເລີ່ມນີ້ໄດ້ຮັບການຊົມເຊີຍຈາກບັນດາລັດຖະມົນຕີກະຊວງປ້ອງກັນປະເທດ ອາຊຽນ ອັນໄດ້ເປັນຂີດໝາຍເປັນຄັ້ງທຳອິດທີ່ ຍີ່ປຸ່ນ ໄດ້ສະແດງ “ຮູບພາບສັງລວມ” ກ່ຽວກັບບັນດາຂົງເຂດບຸລິມະສິດໃນການຮ່ວມມືປ້ອງກັນປະເທດກັບ ອາຊຽນ. ນອກຈາກນັ້ນ, ທີ່ກອງປະຊຸມ, 2 ຝ່າຍກໍ່ໄດ້ແລກປ່ຽນກ່ຽວກັບຄວາມສາມາດຈັດຕັ້ງກອງປະຊຸມສຳມະນາກ່ຽວກັບທະເລ ແລະ ການຮ່ວມມືໃນບັນດາຂົງເຂດຄືຄວາມປອດໄພທາງເຄືອຂ່າຍ ອີນເຕີເນັດ ແລະ ຊອກຫາ, ທຳລາຍລູກລະເບີດຕົກຄ້າງພາຍຫຼັງສົງຄາມ.