ພົນເອກ ໂງຊວນລີກ, ລັດຖະມົນຕີກະຊວງປ້ອງກັນປະເທດ ຫວຽດນາມ
(ພາບປະກອບ)
(vovworld) – ຕອນເຊົ້າວັນທີ 6/6, ທີ່ສຳນັກງານກະຊວງປ້ອງກັນປະເທດ, ພົນເອກ ໂງຊວນລີກ, ລັດຖະມົນຕີກະຊວງປ້ອງກັນປະເທດເປັນປະທານພິທີຕ້ອນຮັບ ແລະ ເຈລະຈາກັບທ່ານ Jean – Yves Le Drian, ລັດຖະມົນຕີກະຊວງປ້ອງກັນປະເທດ ສ. ຝຣັ່ງ ແລະ ບັນດາສະມາຊິກໃນຄະນະຜູ້ແທນການທະຫານຂັ້ນສູງ ຝຣັ່ງ. ທີ່ການເຈລະຈາ, ທ່ານ ລັດຖະມົນຕີ ໂງຊວນລີກ ຢັ້ງຢືນນະໂຍບາຍສະເໝີຕົ້ນສະເໝີປາຍຂອງ ຫວຽດນາມ ແມ່ນຖືເປັນສຳຄັນການພົວພັນຄູ່ຮ່ວມມືຍຸດທະສາດກັບ ສ. ຝຣັ່ງ, ນີ້ແມ່ນພື້ນຖານນຳມາເຊິ່ງກາລະໂອກາດໃຫ້ແກ່ການຮ່ວມມືຫຼາຍຮູບແບບ, ໃນນັ້ນມີຂົງເຂດປ້ອງກັນປະເທດ. ທ່ານລັດຖະມົນຕີປ້ອງກັນປະເທດ ຝຣັ່ງ Jean – Yves Le Drian ຢັ້ງຢືນວ່າ: ຫວຽດນາມ ນັບມື້ນັບມີທີ່ຕັ້ງບົດບາດສຳຄັນໃນເວທີສາກົນ, ພິເສດແມ່ນສວມບົດບາດສຳຄັນໃນວິວັດທະນາການສ້າງຕັ້ງປະຊາຄົມ ອາຊຽນ. ລັດຖະມົນຕີ 2 ທ່ານໄດ້ເຫັນດີເປັນເອກະສັນເພີ່ມທະວີການ ພົບປະ, ແລກປ່ຽນຄະນະຜູ້ແທນຂັ້ນສູງເປັນປະຈຳກ່ວາອີກ, ເສີມຂະຫຍາຍປະສິດທິຜົນກົນໄກຄະນະກຳມະການປະສົມກ່ຽວກັບການຮ່ວມມືປ້ອງກັນປະເທດ 2 ຝ່າຍ ເພື່ອຍູ້ແຮງບັນດາການເຄື່ອນໄຫວແລກປ່ຽນບົດຮຽນໃນການເຂົ້າຮ່ວມການເຄື່ອນໄຫວຮັກສາສັນຕິພາບຂອງ ສປຊ, ຮ່ວມມືກໍ່ສ້າງພະນັກງານ, ເສນາຮັກ, ຄົ້ນຄ້ວາມະຫາສະໝຸດ ແລະ ອຸທົກກະສາດ, ສ້າງເງື່ອນໄຂໃຫ້ບັນດາວິສາຫະກິດອຸດສາຫະກຳປ້ອງກັນປະເທດຂອງຝຣັ່ງ ສືບຕໍ່ສຳພັດກັບຕະຫຼາດ ຫວຽດນາມ.