(vovworld) – ບໍລິສັດພະລັງງານປະລະມານູແຫ່ງຊາດຢູແກຼນ “Energoatom” ແລະ ບໍລິສັດຜະລິດເຊື້ອເພິງໃຫ້ໂຮງງານໄຟຟ້ານິວເຄຼຍລັດເຊຍ “TVEL” ຫາກໍ່ລົງນາມໃນສັນຍານສະໜອງເຊື້ອເພິງໃຫ້ບັນດາໂຮງງານໄຟຟ້າປະລະມານູຢູແກຼນ ຮອດທ້າຍປີ 2016. ນັ້ນແມ່ນຄຳຖະແຫຼງຂອງທ່ານ Danko Biley, ຫົວໜ້າປ້ອງກັນຄວາມສະຫງົບ “Energoatom” ໃນວັນທີ 25/11. ຕາມແຫຼ່ງຂ່າວຈາກຝ່າຍຢູແກຼນ ແລ້ວ, ກີແອບ ຈະສືບຕໍ່ຊື້ເຊື້ອເພິງຈາກລັດເຊຍ ເພື່ອສະໜອງໃຫ້ບັນດາໂຮງງານໄຟຟ້າໃນໄລຍະ 2 ປີ 2015 ແລະ 2016. ຄຽງຂ້າງນັ້ນ, ຢູແກຼນ ກໍ່ຈະເຂົ້າຮ່ວມການຕໍ່ກຳນົດເວລາໃຫ້ສັນຍາກັບບໍລິສັດເຊື້ອເພິງ Westinghouse ຂອງອາເມລິກາ ຮອດປີ 2020 ເພື່ອຫຼຸດຜ່ອນການຂຶ້ນກັບແຫຼ່ງສະໜອງຈາກລັດເຊຍ. ທ່ານ Sergey Kirienko, ຫົວໜ້າກຸ່ມບໍລິສັດພະລັງງານປະລະມານູ “Rosatom” ຂອງລັດເຊຍ ກໍ່ໄດ້ຢັ້ງຢືນຂໍ້ມູນລົງນາມໃນສັນຍາສະໜອງເຊື້ອເພິງນິວເຄຼຍໃຫ້ບັນດາໂຮງງານໄຟຟ້ານິວເຄຼຍຂອງ ຢູແກຼນ. ແຕ່ທ່ານກໍ່ໃຫ້ຮູ້ວ່າ, ສັນຍານີ້ພຽງແຕ່ມີກຳນົດເວລາຮອດທ້າຍປີ 2015 ເທົ່ານັ້ນ.