ທ່ານປະທານາທິບໍດີ ລັດເຊຍ V.Putin
photo:internet
|
(vovworld)- ວັນທີ 18/4, ລັດເຊຍ ສະແດງຄວາມເສຍຫວັງຕໍ່ການຕີລາຄາຂອງອາເມລິກາກ່ຽວກັບຂໍ້ຕົກລົງສາກົນເພື່ອຫລຸດຜ່ອນວິກິດການຢູ່ ຢູແກຼນ ແລະ ຖືວ່າ: ເລື່ອງ ວໍຊີງຕັນ ນາບຂູ່ວ່າຈະຈັດວາງມາດຕະການລົງໂທດໃຫມ່ສຳລັບ ມົດສະກູ ແມ່ນສິ່ງທີ່ບໍ່ອາດຮັບຮູ້ໄດ້. ຕາມທ່ານ Dmitry Peskov, ໂຄສົກຂອງປະທານາທິບໍດີ ລັດເຊຍ ແລ້ວ, ອາເມລິກາ ຖືວ່າ ຂໍ້ຕົກລົງ 4 ຝ່າຍລະຫວ່າງ ລັດເຊຍ,ອາເມລິກາ, ອີຢູ ແລະ ຢູແກຼນ ທີ່ຫາກໍ່ບັນລຸໄດ້ຢູ່ ເຊີແນວ ປະເທດສະວິດ ພຽງແມ່ນຄຳໝັ້ນໝາຍເທົ່ານັ້ນ, ແຕ່ວໍຊິງຕັນ ແລະ ບັນດາປະເທດພັນທະມິດ ຈະຈັດວາງບັນດາມາດຕະການລົງໂທດເພີ່ມເຕີມສຳລັບ ລັດເຊຍ ຖ້າຫາກສະພາບການ ຢູ່ ຢູແກຼນ ບໍ່ມີສັນຍານດີຂຶ້ນ. ການກະທຳດັ່ງກ່າວຂອງອາເມລິກາ ບໍ່ສາມາດຊ່ວຍບັນດາຝ່າຍສືບຕໍ່ເຈລະຈາ.
ໃນຂະນະນັ້ນ, ຢູ່ ຢູແກຼນ, ທ່ານ Arseniy Yatsenyuk, ນາຍົກລັດຖະມົນຕີຊ່ົວຄາວ ໄດ້ອອກຄຳສັ່ງ ຈັດຕັ້ງການປຶກສາຫາລືກ່ຽວກັບການປັບປຸງໃນລັດຖະທຳມະນູນ ຢູແກຼນ ຕາມທິດແບ່ງສິດອຳນາດກ່ອນວັນທີ 1/10 ຈະມາເຖິງ.