ຕາມຫ້ອງການປະທານາທິບໍດີ ສເກົາຫລີ ແລ້ວ, ການນຳສອງທ່ານ ໄດ້ເຫັນດີເພີ່ມທະວີການແລກປ່ຽນຂໍ້ມູນຂ່າວສານຍຸດທະສາດລະຫວ່າງສອງປະເທດ ເພື່ອແນໃສ່ຫນູນຊ່ວຍວິວັດການປອດນິວເຄຼຍໃນແຫລມເກົາຫລີ ແລະ ສ້າງສັນຕິພາບຍາວນານ ພ້ອມທັງຮັບຮູ້ການປ່ຽນແປງຕັ້ງຫນ້າໃນແຫລມເກົາຫລີ. ກ່ອນຫນ້ານັ້ນ ໃນບົດກ່າວປາໄສທີ່ ສະພາຕ່ຳ ລັດເຊຍ, ປະທານາທິບໍດີ Moon Jae in ເນັ້ນຫນັກເຖິງຄວາມສຳຄັນຂອງການຮ່ວມມືລະຫວ່າງ ສເກົາຫລີ ແລະ ລັດເຊຍ ແລະ ຖືວ່າ ນັ້ນແມ່ນພື້ນຖານຂອງສັນຕິພາບໃນແຫລມເກົາຫລີ ແລະ ຄວາມວັດທະນາຖາວອນຂອງພາກພື້ນ ອາຊີຕາເວັນອອກສ່ຽງເຫນືອ.