ລາຍການ “ຮ້ອງເພງຍ້ອງຍໍຜູ້ອອກແຮງງານ“
(vovworld) - ຕອນຄຳ່ວັນທີ 28/4, ຢູ່ສູນກະຈາຍສຽງແຫ່ງຊາດ 58 ຖະໜົນ ກວ໋ານຊື໋ ຮ່າໂນ້ຍ, ຊ່ອງໂທລະພາບ VOV ຈັດຕັ້ງລາຍການ “ຮ້ອງເພງຍ້ອງຍໍຜູ້ອອກແຮງງານ“. ເຂົ້າຮ່ວມມີທ່ານ ຟ້າມມິງຮວນ, ລັດຖະມົນຕີຊ່ວຍວ່າການກະຊວງແຮງງານ ທະຫານເສຍອົງຄະ ແລະ ສັງຄົມ, ທ່ານ ຫງວຽນດິກກຽນ, ຮອງຫົວໜ້າກຳມາທິການເສດຖະກິດຂອງສະພາແຫ່ງຊາດ, ທ່ານ ເຈິ່ນມິງຮຸ່ງ, ຜູ້ອຳນວຍການໃຫຍ່ ວິທະຍຸກະຈາຍສຽງ ຫວຽດນາມ. ຢູ່ທີ່ນີ້, ບັນດາຜູ້ຊົມໄດ້ຮັບຟັງທຳນອງເພງຕ່າງໆກ່ຽວກັບບ້ານເກີດເມືອງນອນ, ປະເທດຊາດ, ຍ້ອງຍໍບັນດາຜູ້ອອກແຮງງານ. ເອື້ອຍ ຟ້າມທິແບ໋, ຄົນພິການທີ່ເຂົ້າຮ່ວມລາຍການ, ແບ່ງປັນວ່າ:
“ຢູ່ທີ່ນີ້ຂ້າພະເຈົ້າໄດ້ຮັບຂອງຂັວນ, ນີ້ແມ່ນກຳລັງໜູນເພື່ອໃຫ້ຂ້າພະເຈົ້າສືບຕໍ່ເຮັດວຽກ, ມີຊີວິດເພື່ອລ້ຽງລູກ. ຂ້າພະເຈົ້າກໍ່ຫວັງວ່າບັນດາອົງການຈັດຕັ້ງມີຄວາມເອົາໃຈໃສ່ກວ່າອີກເຖິງຜູ້ທີ່ປະສົບກັບຄວາມຫຍຸ້ງຍາກຄືຂ້າພະເຈົ້າ“.
ເນື່ອງໃນໂອກາດນີ້, ຄະນະຈັດຕັ້ງໄດ້ຍ້ອງຍໍ, ມອບໃບຢັ້ງຢືນໃຫ້ບັນດາວິສາຫະກິດ, ສ່ວນບຸກຄົນ, ຫົວໜ່ວຍທີ່ມີການເຄື່ອນໄຫວເພື່ອພາລະກິດພັດທະນາປະຊາຄົມ ແລະ ໄດ້ໜູນຊ່ວຍສົມທົບກັນຈັດຕັ້ງລາຍການ.