ວິທະຍຸກະຈາຍສຽງຫວຽດນາມລົງນາມໃນສັນຍາໂຄງການສົມທົບກັບສະພາມະຫາບັນດີດວິທະຍາສາດແລະເຕັກໂນໂລຊີຫວຽດນາມ
ທ່ານ ຫງວຽນດັງຕ໋ຽນ ຜູ້ອຳນວຍການໃຫຍ່ VOV
(vovworld) - ພິທີເຊັນສັນຍາໄດ້ດຳເນີນໃນຕອນເຊົ້າວັນທີ 17/4 ຢູ່ ຮ່າໂນ້ຍ. ທ່ານ ຫງວຽນດັງຕ໋ຽນ ຜູ້ອຳນວຍການໃຫຍ່ວິທະຍຸກະຈາຍສຽງຫວຽດນາມ ແລະ ທ່ານປະທານສະພາມະຫາບັນດີດວິທະຍາສາດ ແລະ ເຕັກໂນໂລຊີຫວຽດນາມ ເຈົາວັນມິງ ໄດ້ລົງນາມໃນສັນຍາໂຄງການສົມທົບ “ຍົກສູງປະສິດທິຜົນການໂຄສະນາເຜີຍແຜ່ບັນດາການເຄື່ອນໄຫວຄົ້ນຄ້ວາ, ນຳໃຊ້ວິທະຍາສາດເຕັກໂນໂລຊີຜ່ານບັນດາພາຫະນະສື່ສານຂອງວິທະຍຸກະຈາຍສຽງຫວຽດນາມ”. ຕາມນັ້ນແລ້ວ, ສະພາມະຫາບັນດີດວິທະຍາສາດ ແລະ ເຕັກໂນໂລຊີຫວຽດນາມ ຈະສ້າງເງື່ອນໄຂໃຫ້ບັນດາຫົວໜ່ວຍບັນນາທິການຂອງວິທະຍຸກະຈາຍສຽງຫວຽດນາມ ສຳພັດ, ຊອກຮູ້ສະພາບຕົວຈິງ ແລະ ຂຸດຄົ້ນຂໍ້ມູນຂ່າວສານກ່ຽວກັບບັນດາການເຄື່ອນໄຫວວິທະຍາສາດ, ເຕັກໂນໂລຊີ, ສະພາບການປະຕິບັດບັນດາກົນໄກ, ນະໂຍບາຍວິທະຍາສາດ ແລະ ເຕັກໂນໂລຊີ ເພື່ອຮັບໃຊ້ການໂຄສະນາເຜີຍແຜ່. ວິທະຍຸກະຈາຍສຽງຫວຽດນາມ ຈະຫັນບັນດາມາດຕະການສື່ສານເປັນຫຼາຍຮູບ, ຫຼາຍແບບ ເພື່ອແນໃສ່ຍົກສູງປະສິດທິຜົນການໂຄສະນາເຜີຍແຜ່ ກ່ຽວກັບນະໂຍບາຍວິທະຍາສາດ ແລະ ເຕັກໂນໂລຊີ; ສື່ຂ່າວຢ່າງທັນການກ່ຽວກັບບັນດາການເຄື່ອນໄຫວວິທະຍາສາດ, ເຕັກໂນໂລຊີຂອງສະພາຜ່ານບັນດາພາຫະນະຂອງວິທະຍຸກະຈາຍສຽງຫວຽດນາມ ຄື: ກະຈາຍສຽງ, ໂທລະພາບ, ສື່ສິ່ງພິມ ແລະ ສື່ເອເລັກໂຕນິກ.