(vovworld) - ຕອນບ່າຍວັນທີ 10/1, ທີ່ກອງທັບເຮືອເຂດ 4, ຢູ່ ກາມແຣງ, ແຂວງ ແຄ໋ງຮ່ວາ, ໜັງສືພິມ ຕ໋ວຍເຈ ໄດ້ສົມທົບກັບຫໍວັດທະນະທຳຊາວໜຸ່ມ ນະຄອນ ໂຮ່ຈີມິນ ໄຂງານບຸນ “ລະດູບານໃໝ່ຢູ່ເຂດທະເລ, ໝູ່ເກາະ” ຄັ້ງທີ 6 ປີ 2017, ດ້ວຍການເຂົ້າຮ່ວມຂອງພະນັກງານ, ນົກຮົບ, ນັກຮຽນ, ຊາວໜຸ່ມ ແລະ ປະຊາຊົນທ້ອງຖິ່ນກ່ວາ 3.000 ຄົນ. ລາຍການແມ່ນໂອກາດເພື່ອແນໃສ່ “ເຊື່ອມຈອດ” ເຂດດິນຕໍ່ແຜ່ນກັບເຂດໝູ່ເກາະທີ່ຫ່າງໄກ, ພ້ອມທັງໄດ້ສົ່ງອາລົມຈິດຂອງປະຊາຊົນເຖິງບັນດານັກຮົບ, ທີ່ພວມປົກປັກຮັກສາເຂດນ່ານຟ້າ, ທະເລ, ໝູ່ເກາະທີ່ສັກກະລະບູຊາຂອງປະເທດຊາດທັງເວັນ ແລະ ຄືນ. ວັນບຸນ “ລະດູບານໃໝ່ຢູ່ເຂດທະເລ,ໝູ່ເກາະ” ຄັ້ງທີ 6 ມີການເຄື່ອນໄຫວຫຼາຍຢ່າງທີ່ເຕັ້ມໄປດ້ວຍນ້ຳໃຈຮັກແພງລະຫວ່າງທະຫານ ແລະ ປະຊາຊົນ, ໃນນັ້ນພົ້ນເດັ່ນແມ່ນລາຍການພົບປະແລກປ່ຽນສິລະປະດ້ວຍບັນດາບົດເພງ, ວາດຟ້ອນທີ່ເປັນເອກະລັກສະເພາະກ່ຽວກັບທະເລ, ໝູ່ເກາະ, ບັນດາບົດເພງຍ້ອງຍໍບ້ານເກີດເມືອງນອນ, ປະເທດຊາດ, ມູນເຊື້ອການປະຕິວັດ ແລະ ນ້ຳໃຈຂອງບັນດານັກຮົບຜູ້ໄດ້ຕິດພັນຢູ່ເຂດຊາຍແດນ, ໝູ່ເກາະ.
ເນື່ອງໃນໂອກາດນີ້, ຄະນະຈັດຕັ້ງໄດ້ຢ້ຽມຢາມ, ມອບຂອງຂວັນໃຫ້ບັນດານັກຮົບ, ຈັດຕັ້ງການຫໍ່ເຂົ້າຕົ້ມ, ມອບທຶນສຶກສາໃຫ້ລູກຫຼານຂອງພະນັກງານ, ທະຫານເຮືອ 50 ທຶນ.