ວັນບຸຸນກິລາແລະຄອບຄົວອາຊຽນຢູ່ສະວິດແລະຝຣັ່ງ
(vovworld) – ວັນບຸນກິລາ ແລະ ຄອບຄົວ ອາຊຽນ 2016 ຖືກຈັດຂຶ້ນໃນວັນທີ 24/9 ຢູ່ສູນກິລາ ແລະ ບັນເທິງ Evaux, ນະຄອນ ເຊີແນວ. ພະນັກງານ, ລັດຖະກອນທັງໝົດ ພ້ອມກັບຄອບຄົວຂອງຄະນະປະຕິບັດງານ ຫວຽດນາມ ຢູ່ຂ້າງ ສປຊ, ອົງການການຄ້າໂລກ (WTO) ແລະ ບັນດາອົງການສາກົນອື່ນໆຢູ່ ເຊີແນວເຂົ້າຮ່ວມເຫດການນີ້. ວັນບຸນກິລາ ແລະ ຄອບຄົວ ອາຊຽນ ຢູ່ ເຊີແນວ ປີນີ້ ໂດຍຄະນະປະຕິບັດງານຂອງ ອິນໂດເນເຊຍ ຈັດຕັ້ງ. ບັນດາການເຄື່ອນໄຫວແຂ່ງຂັນກິລາຄື tennis, ປິງປອງ, ດອກປີກໄກ່ ໄດ້ຮັບການດຳເນີນຢ່າງຟົດຟື້ນ, ຄຽງຂ້າງນັ້ນແມ່ນບັນດາການເຄື່ອນໄຫວບັນເທິງ, ງານບຸນອາຫານການກິນ.
ວັນທີ 24/9, ສະຖານທູດ ຫວຽດນາມ ແລະ ບັນດາອົງການຕາງໜ້າຂອງ ຫວຽດນາມ ປະຈຳ ຝຣັ່ງ ໄດ້ຕັ້ງໜ້າເຂົ້າຮ່ວມການເຄື່ອນໄຫວຕ່າງໆຂອງ “ວັນບຸນຄອບຄົວ ອາຊຽນ” ເຊິ່ງຈັດຕັ້ງຢູ່ນະຄອນຫຼວງ ປາຣີ ຂອງ ຝຣັ່ງ. ບໍ່ພຽງແຕ່ແມ່ນການເຄື່ອນໄຫວມີລັກສະນະການເມືອງ, ວັດທະນະທຳ ເທົ່ານັ້ນ, ວັນຄອບຄົວອາຊຽນ ຢູ່ ຝຣັ່ງ ຍັງມີຄວາມໝາຍປະກອບສ່ວນຮັດແໜ້ນຄວາມສາມັກຄີ ແລະ ນຳ້ໃຈມິດຕະພາບລະຫວ່າງບັນດາປະເທດ ອາຊຽນ ນຳກັນອີກດ້ວຍ. ທ່ານເອກອັກຄະລັດຖະທູດ ຫວຽດນາມ ປະຈຳ ຝຣັ່ງ ຫງວຽນງອກເຊີນ, ທ່ານເອກອັກຄະລັດຖະທູດ ຫວຽດນາມ ຢູ່ຂ້າງ UNESCO ເລຮົ່ງເຟີ໋ນ ແລະ ພະນັກງານພ້ອມກັບຄອບຄົວຂອງເຂົາເຈົ້າຢູ່ບັນດາອົງການຕາງໜ້າ ຫວຽດນາມ ຢູ່ຝຣັ່ງ ເປັນຈຳນວນຫຼວງຫຼາຍໄດ້ເຂົ້າຮ່ວມເຫດການນີ້.