ວັນບຸນປື້ມ
|
(VOVworld)-ຂ່ຳນັບຮັບຕ້ອນວັນປື້ມຫວຽດນາມ (21/4), ວັນປື້ມ ແລະ ລີຂະສິດໂລກ (23/4), ມຸ່ງໄປເຖິງການສະເຫລີມສະຫລອງ 100 ປີແຫ່ງວັນສ້າງຕັ້ງຫໍສະມຸດແຫ່ງຊາດຫວຽດນາມ, ຕອນເຊົ້າວັນທີ 20/4, ຫໍສະມຸດແຫ່ງຊາດຫວຽດນາມ ສົມທົບກັບບາງກະຊວງ, ຂະແຫນງການ ຂອງສູນກາງ ຈັດຕັ້ງໄດ້ໄຂວັນບຸນປື້ມປີ 2017. ດ້ວຍຫົວຂໍ້ “ປື້ມ- ພູມປັນຍາແລະພັດທະນາສັງຄົມ”, ວັນບຸນປື້ມປີນີ້ ເອົາໃຈໃສ່ເຖິງບັນດາການເຄື່ອນໄຫວມີລັກສະນະລວງເລິກ, ມຸ່ງໄປເຖິງເປົ້າໝາຍແມ່ນຊາວຫນຸ່ມ, ອະນຸຊົນ ແລະ ນັກຮຽນໃນໂຮງຮຽນ. ທີ່ວັນບຸນປື້ມ ກໍ່ໄດ້ຈັດຕັ້ງການວາງສະແດງປື້ມ ດ້ວຍປື້ມກວ່າ 500 ຫົວ ແມ່ນເວົ້າເຖິງຄວາມສຳຄັນ ແລະ ຄຸນຄ່າຂອງປື້ມທີ່ມີຕໍ່ການພັດທະນາຂອງພູມປັນຍາ, ສີວິໄລຂອງມວນມະນຸດ, ບັນດາຜົນງານໃນການພັດທະນາເສດຖະກິດສັງຄົມ, ການປ້ອງກັນຊາດປ້ອງກັນຄວາມສະຫງົບຊື່ງປະຊາຊົນຫວຽດນາມ ຍາດມາໄດ້ໃນກິດຈະການປ່ຽນແປງໃຫມ່ຂອງປະເທດຊາດ.