ວັນບຸນມິດຕະພາບ ແລະສາມັກຄີອາຊຽນ ຢູ່ຝະລັ່ງ
(ພາບ: Bích Hà/Vietnam+)
(vovworld)- ວັນທີ 31/5, ສະຖານທູດບັນດາປະເທດອາຊຽນ ປະຈຳຝະລັ່ງ ໄດ້ຈັດ “ວັນຄອບຄົວອາຊຽນ“ ປະຈຳປີຢູ່ນະຄອນ Ris Orangis ຊານນະຄອນຫຼວງ Paris. ກ່າວຄຳເຫັນທີ່ພິທີໄຂ, ທ່ານ Tan Sri Ismail Omar ເອກອັກຄະລັດຖະທູດມາເລຊເຊຍ ປະຈຳຝະລັ່ງ, ປະທານຜັດປ່ຽນບັນດາປະເທດອາຊຽນ ປະຈຳຝະລັ່ງ ເນັ້ນໜັກວ່າ: ການເຄື່ອນໄຫວນີ້ປະກອບສ່ວນຊຸກຍູ້ນ້ຳໃຈສາມັກຄີມິດຕະພາບ ແລະ ການຮ່ວມມືລະຫວ່າງບັນດາປະເທດາອາຊຽນ. ມຸ້ງໄປສູ່ການສ້າງປະຊາຄົມເສດຖະກິດອາຊຽນ ໃນປີ 2015. “ວັນຄອບຄົວອາຊຽນ“ ໄດ້ກາຍເປັນວັນບຸນຢ່າງແທ້ຈິງດ້ວຍບັນດາການເຄື່ອນໄຫວວັດທະນະທຳ, ສິລະປະ ແລະ ກິລາທີ່ຟົດຟື້ນມ່ວນຊື່ນຄື: ສະແດງຊຸດອາພອນພື້ນເມືອງ, ຟ້ອນລວມໝູ່, ດຶງເສືອກ, ເຕະບານ....ໃນໂອກາດນີ້, ບັນດາປະເທດອາຊຽນ ຍັງແນະນຳບັນດາເຍື່ອງອາຫານພິເສດສະເພາະຂອງປະເທດຕົນ. ບັນດາເພື່ອນມິດສາກົນໄດ້ເຂົ້າມາຮັບປະທານເຍື່ອງອາຫານຕ່າງໆທີ່ເປັນມູນເຊື້ອຂອງຫວຽດນາມ ເປັນຈຳນວນຫຼາຍ./.