ການເຄື່ອນໄຫວຕ່າງໆໃນງານບຸນ
(ພາບ:kinhtedothi.vn)
(vovworld) – ໂດຍຕອບສະໜອງເດືອນກຳມະກອນປີ 2016, ຕອນເຊົ້າວັນທີ 28/5, ຢູ່ເຂດອຸດສາຫະກຳທັງລອງ, ຄະນະຊາວໜຸ່ມນະຄອນ ຮ່າໂນ້ຍ ໄດ້ຈັດຕັ້ງວັນບຸນຮ່ວມເດີນທາງພ້ອມກັບຊາວໜຸ່ມກຳມະກອນປີ 2016 ດ້ວຍການເຂົ້າຮ່ວມຂອງຊາວໜຸ່ມກຳມະກອນ 4.000 ຄົນ. ວັນບຸນນີ້ແມ່ນໜຶ່ງໃນບັນດາການເຄື່ອນໄຫວເພື່ອແນໃສ່ເສີມຂະຫຍາຍບົດບາດປະຈັນບານຂອງຄະນະຊາວໜຸ່ມກອມມູນິດ ໂຮ່ຈີມິນ ໃນວຽກງານການສຶກສາ, ເບິ່ງແຍງດູແລ, ໜູນຊ່ວຍ, ຮ່ວມເດີນທາງພ້ອມກັບຊາວໜຸ່ມກຳມະກອນໃນໄລຍະປະຈຸບັນ. ໃນຂອບເຂດວັນບຸນໄດ້ດຳເນີນການເຄື່ອນໄຫວຟົດຟື້ນ, ແທດຈິງຫຼາຍຢ່າງຄື: ຈັດຕັ້ງບັນດາການລະຫຼິ້ນສ້າງການພົວພັນແລກປ່ຽນ, ຄວາມສະໜິດຕິດພັນລະຫວ່າງບັນດາຊາວໜຸ່ມກຳມະກອນຢູ່ໃນເຂດຊຸມຊົນ, ການພົວພັນແລກປ່ຽນສິລະປະ “ສຽງເພັງຊາວໜຸ່ມກຳມະກອນ”… ເຂົ້າຮ່ວມວັນບຸນ, ທ້າວ ຈິ້ງງອກຕ່ວຽນ, ກຳມະກອນບໍລິສັດ Sumitomo Heavy, ແບ່ງປັນວ່າ:
“ມື້ນີ້, ພວກຂ້າພະເຈົ້າມີຄວາມເບີກບານມ່ວນຊື່ນຫຼາຍຍ້ອນໄດ້ຮຳ່ຮຽນເອົາບົດຮຽນຈາກກຳມະບານເພື່ອຍົກສູງບັນດາການເຄື່ອນໄຫວຂອງບໍລິສັດ. ບັນດາການເຄື່ອນໄຫວໃນວັນບຸນມີຄວາມໝາຍຢ່າງແທດຈິງ, ຊ່ວຍໃຫ້ກຳມະກອນຢູ່ບັນດາເຂດອຸດສາຫະກຳຕິດພັນນຳກັນກ່ວາ. ຂ້າພະເຈົ້າກໍ່ຫວັງວ່າມີການເຄື່ອນໄຫວຫຼາຍຢ່າງຄືແນວນີ້ກ່ວາເພື່ອໃຫ້ອ້າຍເອື້ອຍນ້ອງຮຳ່ຮຽນເຊິ່ງກັນແລະ ກັນ ແລະ ຍົກສູງຊີວິດການເປັນຢູ່.”