(ພາບ: baodulich.net.vn )
(vovworld) – ວັນທີ 30/7, ໂດຍພາຍໃຕ້ການເປັນປະທານຂອງທ່ານນາຍົກລັດຖະມົນຕີຫງວຽນເຕິນຢຸງ, ລັດຖະບານໄດ້ຈັດວາລະປະຊຸມນັດສາມັນປະຈຳເດືອນ 7/2014 ເພື່ອປຶກສາຫາລືສະພາບການປະຕິບັດໜ້າທີ່ເສດຖະກິດ-ສັງຄົມ ໃນ 7 ເດືອນ ແລະ ປຶກສາຫາລືບັນດາມາດຕະການໃນຊຸມເດືອນຕໍ່ໄປ.
ທີ່ວາລະປະຊຸມ, ລັດຖະບານປຶກສາຫາລືກ່ຽວກັບບົດລາຍງານສະພາບເສດຖະ ກິດ-ສັງຄົມເດືອນ 7 ແລະ 7 ເດືອນຕົ້ນປີ, ແຜນງົບປະມານແຫ່ງລັດປີ 2014. ກ່າວຄຳເຫັນນະທີ່ນີ້, ທ່ານນາຍົກລັດຖະມົນຕີຫງວຽນເຕິນຢຸງ ສະເໜີໃຫ້ບັນດາສະມາຊິກລັດຖະບານຈົ່ງສຸມໃສ່ປຶກສາຫາລືບັນດາບັນຫາໃຫ່ຍກ່ຽວຂ້ອງເຖິງການສ້າງໂຄງປະກອບພື້ນຖານເສດຖະກິດຄືນໃໝ່, ການເຕີບໂຕຈີດີພີ, ເສດຖະກິດມະຫາພາກ, ແກ້ໄຂຄວາມຫຍຸ້ງຍາກໃຫ້ແກ່ວິສາຫະກິດ. ທ່ານນາຍົກລັດຖະມົນຕີຫງວຽນເຕິນຢຸງ ຊີ້ແຈ້ງວ່າ:
“ພວກເຮົາປະຕິບັດໄດ້ການສ້າງໂຄງປະກອບການລົງທືນຂອງລັດຄືນໃໝ່, ນັ້ນແມ່ນບາດກ້າວເດີນທີ່ສຳຄັນ, ແຕ່ຕ້ອງພະຍາຍາມຄວບຄຸມຄືແນວໃດໃຫ້ມີປະສິດທິຜົນ. ຫວ່າງແລ້ວນີ້, ພວກເຮົາໄດ້ຍົກອອກມາດຕະການຕົ້ນຕໍແມ່ນລົງທຶນໄລຍະກາງ, ສ້າງບັນຊີລາຍຊື່, ກຳນົດຄວາມຮັບຜິດຊອບຢ່າງຈະແຈ້ງ. ທີ 2 ແມ່ນ ມາດຕະການສຳຄັນມີລັກສະນະຕັດສິນຊີ້ຂາດແມ່ນຫັນລັດວິສາຫະກິດເປັນຫຸ້ນສ່ວນ. ທີ 3 ແມ່ນເດັດດ່ຽວສືບຕໍ່ປະຕິບັດການສ້າງໂຄງປະກອບທະນາຄານຄືນໃໝ່ເພື່ອໃຫ້ລະບົບທະນາຄານເຂັ້ມແຂງກ່ວາ“./.