ສິ່ງທ້າທາຍ ແລະ ກຳນົດທິດເພີ່ມສະມັດຕະພາບອອກແຮງງານຫວຽດນາມ
(ພາບປະກອບ)
(vovworld) – ຫວຽດນາມ ຕ້ອງມານະພະຍາຍາມໃນການປະຕິຮູບເພື່ອເພີມກຳລັງແກ່ງແຍ່ງ, ຍົກສູງສະມັດພາບການອອກແຮງງານ. ຂ່າວຄາວດັ່ງກ່າວຖືກຍົກອອກມາທີ່ເວທີປາໄສສະມັດຕະພາບການອອກແຮງງານຫວຽດນາມ ໂດຍສະຖາບັນຄົ້ນຄວ້າຄຸ້ມຄອງເສດຖະກິດສູນກາງຫວຽດນາມ ຈັດຕັ້ງໃນຕອນເຊົ້າວັນທີ 27/11, ຢູ່ຮ່າໂນ້ຍ. ຕາມບົດລາຍງານທີ່ກອງປະຊຸມສຳມະນາ, ຫວຽດນາມ ພວມປະເຊີນໜ້າກັບບັນດາສິ່ງທ້າທາຍເມື່ອສະມັດຕະພາບການອອກແຮງງານນອນໃນບັນດາປະເທດຕໍ່າກວ່າໝູ່ຢູ່ພາກພື້ນອາຊຽນ. ຕາມສາດສດາຈານ ຫງວຽນດິ່ງກຸງ, ຫົວໜ້າສະຖາບັນຄົ້ນຄວ້າຄຸ້ມຄອງເສດຖະກິດສູນກາງຫວຽດນາມ ໃຫ້ຮູ້ວ່າ.
“ໃນຈຸດເວລາປະຈຸບັນ, ເມື່ອພວກເຮົາຫັນປ່ຽນໄປສູ່ໄລຍະພັດທະນາໃໝ່ ຊຶ່ງຢູ່ນັ້ນສະມັດຕະພາບການອອກແຮງງານຕ້ອງກາຍເປັນກຳລັງໜູນພັດທະນາ. ສະມັດຕະພາບການອອກແຮງງານໄດ້ສະແດງໃຫ້ເຫັນກຳລັງຄວາມສາມາດແກ່ງແຍ່ງ. ສິ່ງດັ່ງກ່າວໄດ້ສະແດງໃຫ້ເຫັນວ່າ, ພວກເຮົາຕ້ອງມີຄວາມມານະພະຍາຍາມທີ່ໃຫຍ່ຫຼວງ, ພິເສດແມ່ນໃນການປະຕິຮູບ ເພື່ອໃຫ້ພວກເຮົາສ້າງກຳລັງດັນ ບັງຄັບໃຫ້ພວກເຮົາຕ້ອງເພີ່ມສະມັດຕະພາບອອກແຮງງານ, ເພີ່ມກຳລັງແກ່ງແຍ່ງເພື່ອບັນລຸລະດັບເຕີບໂຕຊຶ່ງເປັນການດີກວ່າການເປີດກວ້າງການໃຊ້ຈ່າຍ, ຂຸດຄົ້ນຊັບພະຍາກອນ”