(vovworld) - ວັນທີ 19/02, ມື້ເຮັດວຽກທີ່2ຂອງກອງປະຊຸມຄັ້ງທີ 1 ບັນດາເຈົ້າໜ້າທີ່ຂັ້ນສູງ APEC (SOM 1) ແລະ ບັນດາກອງປະຊຸມທີ່ກ່ຽວຂ້ອງ, ສືບຕໍ່ດ້ວຍບັນດາການເຄື່ອນໄຫວຂອງ 10 ກຸ່ມປະຕິບັດວຽກງານ ແລະ ອະນຸກຳມະການ APEC ໃນບັນດາຂົງເຂດທີ່ເໝາະສົມ, ເຊິ່ງຖືກດຳເນີນຢູ່ ຍາຈາງ ໃນລະຫວ່າງວັນທີ 18/02 – 03/03. ບັນດາບັນຫາທີ່ໄດ້ຍົກອອກມາເພື່ອປຶກສາຫາລືລວມມີ: ການຮັບມືກັບສະພາບການຮີບດ່ວນ (EPWG), ການພັດທະນາແຫຼ່ງຊັບພະຍາກອນມະນຸດ (HRDWG), ການຕ້ານການສໍ້ລາດບັງຫຼວງ ແລະ ຫັນເປັນກະຈ່າງແຈ້ງ (ACRWG), ກຸ່ມນັກຊ່ຽວຊານກ່ຽວກັບຊັບສິນທາງປັນຍາ (IPEG)…
ພາຍຫຼັງເຮັດວຽກມາເປັນເວລາ 2 ວັນ, ກອງປະຊຸມຂອງບັນດາກຸ່ມກ່ຽວກັບການຮັບມືກັບສະພາບການຮີບດ່ວນ, ນັກຊ່ຽວຊານກ່ຽວກັບຊັບສິນທາງປັນຍາ, ຄູ່ຮ່ວມມືນະໂຍບາຍກ່ຽວກັບວິທະຍາສາດ, ເຕັກໂນໂລຊີ ແລະ ຫົວຄິດປະດິດສ້າງ ແລະ ການເຈລະຈາກ່ຽວກັບທາດເຄມີ ໄດ້ສິ້ນສຸດລົງຢ່າງຈົບງາມ ດ້ວຍບັນດາໝາກຜົນຢ່າງແທ້ຈິງ. ໃນຂະນະນັ້ນ, ທີ່ບັນດາກອງປະຊຸມກ່ຽວກັບການພັດທະນາຊັບພະຍາກອນມະນຸດ, ການຕ້ານການສໍ້ລາດບັງຫຼວງ ແລະ ຫັນເປັນກະຈ່າງແຈ້ງ, ກອງປະຊຸມຂອງກຸ່ມນັກຊ່ຽວຊານກ່ຽວກັບການຕ້ານການຂຸດຄົ້ນໄມ້ຢ່າງຜິດກົດໝາຍ ແລະ ການຄ້າກ່ຽວຂ້ອງ, ບັນດາຜູ້ແທນສືບຕໍ່ແລກປ່ຽນເນື້ອໃນສຳຄັນຫຼາຍຢ່າງເພື່ອແນໃສ່ຊຸກຍູ້ການຮ່ວມມື APEC ແລະ ໄດ້ເປັນເອກະພາບຕໍ່ບັນດາບຸລິມະສິດຮ່ວມມືຂອງກຸ່ມໃນປີ 2017.
ແລະກໍ່ໃນວັນທີ 19/02, ບັນດາການເຄື່ອນໄຫວຂອງອະນຸກຳມະການມາດຕະຖານ ແລະ ຖືກກັບມາດຕະຖານ (SCSC) ໄດ້ເລີ່ມເຄື່ອນໄຫວ; ຄະນະກຳມະການຊີ້ນຳກ່ຽວກັບຂໍ້ກຳນົດກົດລະບຽບທີ່ກົມກ່ຽວຂອງເວທີປາໄສວິທະຍາສາດຊີວິດການເປັນຢູ່ ແລະ ການປ່ຽນໃໝ່ (LSIF) ກໍເລີ່ມຕົ້ນກ້າວເຂົ້າສູ້ມື້ເຮັດວຽກທຳອິດ. ດ້ວຍບົດບາດເປັນປະເທດເຈົ້າພາບ, ຄະນະຜູ້ແທນຫວຽດນາມ ສືບຕໍ່ເຂົ້າຮ່ວມ ແລະ ເປັນເຈົ້າການປະກອບຄຳເຫັນຢ່າງຕັ້ງໜ້າເຂົ້າບັນດາເນື້ອໃນປຶກສາຫາລືລວມ.