ທ່ານນາຍົກລັດຖະມົນຕີ ຫງວຽນຊວນຟຸກ ແລະ
ທ່ານນາຍົກລັດຖະມົນຕີກຳປູເຈຍ Samdec Hunsen
|
(vovworld)- ໂດຍໄດ້ຮັບຄຳເຊີນທ່ານນາຍົກລັດຖະມົນຕີລາຊະອານາຈັກກຳປູເຈຍ Samdec Hunsen, ທ່ານນາຍົກລັດຖະມົນຕີ ຫງວຽນຊວນຟຸກ ແລະ ພັນລະຍາ ພ້ອມດ້ວຍຄະນະຜູ້ແທນຂັ້ນສູງລັດຖະບານຫວຽດນາມ ໄປຢ້ຽມຢາມລາຊະອານາຈັກ ກຳປູເຈຍ ຢ່າງ, ເປັນທາງການ ແຕ່ວັນທີ 24-26/4. ໃນໄລຍະຢູ່ຢ້ຽມຢາມກຳປູເຈຍ, ທ່ານນາຍົກລັດຖະມົນຕີ ຫງວຽນຊວນຟຸກ ໄດ້ເຂົ້າຢ້ຽມຂ່ຳນັບ ກະສັດ Norodom Sihamoni, ເຈລະຈາກັບທ່ານນາຍົກລັດຖະມົນຕີ ກຳປູເຈຍ Hunsen ແລະ ພົບປະກັບທ່ານປະທານສະພາສູງ Say Chhum ແລະ ປະທານສະພາແຫ່ງຊາດ ກຳປູເຈຍ Heng Samrin.
ເນື່ອງໃນໂອກາດນີ້, ສອງຝ່າຍໄດ້ອອກຖະແຫລງການຮ່ວມ ຊີ້ແຈ້ງວ່າ: ສອງຝ່າຍສືບຕໍ່ປັບປຸງ ແລະ ພັດທະນາການພົວພັນສອງຝ່າຍ, ເຄົາລົບເອກະລາດ, ອະທິປະໄຕ ແລະ ຜືນແຜ່ນດິນອັນຄົບຖວ້ນຂອງກັນ, ແກ້ໄຂບັນດາບັນຫາເກີດຂຶ້ນລະຫວ່າງສອງປະເທດໂດຍສັນຕິວິທີ.
ສອງຝ່າຍເຫັນດີສືບຕໍ່ເພີ່ມທະວີການຮ່ວມມືໃນທຸກຂົງເຂດ,ເປັນຕົ້ນແມ່ນບັນດາຂົງເຂດສອງຝ່າຍມີທ່າແຮງຄື: ການສຶກສາ ບຳລຸງສ້າງ, ການຄ້າ, ການບໍລິການ, ໂທລະຄົມມະນາຄົມ, ການບິນ, ທະນາຄານ, ນ້ຳມັນອາຍແກສ, ຢາງພາລາ, ກະສິກຳ, ພະລັງງານໄຟຟ້າ. ສູ້ຊົນນຳວົງເງິນການຄ້າສອງສົ້ນບັນລຸລະດັບ 5 ຕື້ USD.
ສອງຝ່າຍໃຫ້ຄຳໝັ້ນສັນຍາສືບຕໍ່ສ້າງເງື່ອນໄຂສະດວກໃຫ້ແກ່ຊາວຫວຽດນາມອາໄສຢູ່ກຳປູເຈຍ ແລະ ຊາວກຳປູເຈຍ ອາໄສຢູ່ ຫວຽດນາມ ດຳລົງຊີວິດເປັນປົກກະຕິ ແລະ ເໝາະສົມກັບກົດໝາຍຂອງແຕ່ລະປະເທດ.
ກ່ຽວກັບບັນຫາທະເລຕາເວັນອອກ, ສອງຝ່າຍເນັ້ນຫນັກເຖິງຄວາມສຳຄັນຂອງການຮັກສາສັນຕິພາບ, ສະຖຽນລະພາບ ແລະ ຄວາມໝັ້ນຄົງ, ແກ້ໄຂບັນດາການຂັດແຍ້ງກັນໂດຍສັນຕິວິທີ, ລະງັບໃຈ, ບໍ່ນຳໃຊ້ ຫລືນາບຂູ່ການນຳໃຊ້ອາວຸດ, ສອດຄອ່ງກັບບັນດາຫລັກການທີ່ໄດ້ຮັບຮູ້ຢ່າງກວ້າງຂວາງຂອງກົດໝາຍສາກົນລວມມື: ສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລປີ 1982 (UNCLOS).