(vovworld) – ໃນຊຸມມື້ນີ້, ບັນດາໜັງສືພິມຂອງລາວ ໄດ້ລົງພິມຂ່າວ ແລະ ພາບທີ່ຍ້ອງຍໍຊົມເຊີຍ ໄຊຊະນະ ດ້ຽນບຽນຝູ ແລະ ການພົວພັນພິເສດ ຫວຽດນາມ - ລາວ. ດ້ວຍຫົວຂໍ້ວ່າ: “ສະພາບການຢູ່ ອິນດູຈີນ ໃນຊຸມປີ 1950”, ໜັງສືພິມ ປະຊາຊົນ, ສຽງຂອງພັກປະຊາຊົນປະຕິວັດ ລາວ, ໄດ້ທົບທວນຄືນບັນດາຂີດໝາຍປະຫວັດສາດໃນການຕໍ່ສູ້ຂອງປະຊາຊົນ 3 ປະເທດອິນດູຈີນ ຕ້ານພວກລ່າເມືອງຂຶ້ນ ຝຣັ່ງ ໃນເມື່ອກ່ອນ. ບົດໜັງສືພິມຢືນຢັນໄຊຊະນະ ດ້ຽນບຽນຝູ ໄດ້ສະແດງກຳລັງແຮງຂອງກອງທັບ ແລະ ປະຊາຊົນ ຫວຽດນາມ.
ໃນຂະນະນັ້ນ, ບົດຂຽນ “ສຽງກ້ອງກັນວານຂອງໄຊຊະນະດ້ຽນບຽນຝູທີ່ຍິ່ງໃຫຍ່” ຂອງໜັງສືພິມ “ວຽງຈັນໃໝ່” ຊີ້ແຈ້ງໃຫ້ເຫັນວິລະກຳຂອງກອງທັບປະຊາຊົນ ຫວຽດນາມ ໃນບັ້ນຮົບ ດ້ຽນບຽນຝູ, ບັ້ນຮົບມີຄວາມໝາຍປະຫວັດສາດສຳລັບລະບອບລ່າເມືອງຂຶ້ນແບບເກົ່າຢູ່ ອິນດູຈີນ ແລະ ເປີດໄລຍະໃໝ່ໃຫ້ບັນດາປະເທດຖືກກົດຂີ່ຂຸດຮີດ.
ດ້ວຍຫົວຂໍ້ກ່ຽວກັບ ດ້ຽນບຽນຝູ ເຊັນດຽວກັນ, ໜັງສືພິມ Vientiane Time ຊີ້ແຈ້ງວ່າ: ໄຊຊະນະ ດ້ຽນບຽນຝູ ແມ່ນເຫດການສຳຄັນໃນປະຫວັດສາດຂອງພາກພື້ນ ແລະ ໃນໂລກ. ໄຊຊະນະ ດ້ຽນບຽນຝູ ມີຄວາມໝາຍສຳຄັນພິເສດສຳລັບການພົວພັນມິດຕະພາບແບບພິເສດ ລາວ ແລະ ຫວຽດນາມ , ພ້ອມກັນຕໍ່ສູ້ຕ້ານສັດຕູລວມເພື່ອປົດປ່ອຍປະເທດຊາດ.