ສື່ມວນຊົນລາວໃຫ້ຂ່າວ ກ່ຽວກັບພິທີສະເຫຼີມ ສະຫຼອງ 37 ປີແຫ່ງວັນ ເຊັນສົນທິສັນຍາມິດຕະພາບ ແລະ ການຮ່ວມມື
(ພາບປະກອບ)
(vovworld)- ເນື່ອງໃນໂອກາດ 37 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມືຫວຽດນາມ-ລາວ (18/7/1977-18/7/2014), ໜັງສືພິມຕ່າງໆຂອງລາວ ໄດ້ລົງພິມບັນດາບົດ, ຂ່າວ ແລະ ຮູບພາບກ່ຽວກັບເຫດການນີ້. ໜັງສືພິມປະຊາຊົນສຽງຂອງພັກ ປຊຊ ປະຕິວັດລາວ ໄດ້ລົງພິມບົດຂຽນດ້ວຍຫົວຂໍ້ “ຜົນງານພົ້ນເດັ່ນໃນສາຍພົວພັນມິດຕະພາບ ແລະ ການຮ່ວມມືຮອບດ້ານຫວຽດນາມ-ລາວ“ ຊື່ງໄດ້ສະຫລຸບບັນດາໝາກຜົນແຫ່ງການພົວພັນຮ່ວມມືລະຫວ່າງສອງປະເທດໃນບັນດາຂົງເຂດການເມືອງ, ການຕ່າງປະເທດ, ການປ້ອງກັນຊາດ, ປ້ອງກັນຄວາມສະຫງົບ, ເສດຖະກິດ, ວັດທະນະທຳ, ສັງຄົມ…ເພື່ອຢັ້ງຢືນໃຫ້ແກ່ການພັດທະນາສາຍພົວພັນມິດຕະພາບ, ນ້ຳໃຈສາມັກຄີແບບພິເສດ ແລະ ການຮ່ວມມືຮອບດ້ານຫວຽດນາມ-ລາວ ໃນຕະຫຼອດຫຼາຍສິບປີຜ່ານມາຢ່າງບໍ່ຢຸດຢັ້ງ.
ບັນດາໜັງສຶພິມປະເທດລາວ, ວຽງຈັນໃໝ່, ຂ່າວສານ, ລາວພັດທະນາ, ໂທລະພາບແຫ່ງຊາດລາວ…ລ້ວນແຕ່ໄດ້ໃຫ້ຂ່າວ, ບົດ, ຮູບພາບ, ບົດສາລະຄະດີແນະນຳກ່ຽວກັບຜົນງານອັນໃຫ່ຍຫຼວງຂອງຫວຽດນາມ ໃນທຸກຂົງເຂດ ແລະ ຜົນງານແຫ່ງສາຍພົວພັນພິເສດ, ການຮ່ວມມືຮອບດ້ານລາວ-ຫວຽດນາມ. ບັນດາບົດຂຽນຢັ້ງຢືນສາຍພົວພັນທີ່ເປັນມູນເຊື້ອ, ນ້ຳໃຈສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງສອງປະເທດໄດ້ຮັບການເພິ່ມພູນຄູນສ້າງ ແລະ ພັດທະນາຢ່າງບໍ່ຢຸດຢັ້ງ./.