(vovworld) - ຕໍ່ໜ້າສະພາບມີມໍລະດົກວັດທະນະທຳຫຼາຍຢ່າງຄື: ມໍລະດົກສາສະໜາ ແລະ ບັນດາວັດຖຸບຸຮານຖືກທຳລາຍ ແລະ ຖືກລັກປຸ້ນ ຢູ່ບັນດາເຂດເກີດການປະທະກັນປະກອບອາວຸດ. ວັນທີ 24/03, ສະພາຄວາມໝັ້ນຄົງສະຫະປະຊາຊາດ ໄດ້ຮັບຮອງເອົາມະຕິມີລັກສະນະປະຫວັດສາດ ເພື່ອແນໃສ່ຈຸດປະສົງປັບປຸງການປົກປັກຮັກສາບັນດາມໍລະດົກນັ້ນ. ກ່າວຄຳເຫັນພາຍຫຼັງມະຕິດັ່ງກ່າວໄດ້ຮັບການຮັບຮອງເອົາ, ທ່ານນາງ Irina Bokova, ຜູ້ອຳນວຍການໃຫຍ່ອົງການວັດທະນະທຳ, ວິທະຍາສາດ ແລະ ການສຶກສາສະຫະປະຊາຊາດ ເນັ້ນໜັກວ່າ: “ບັນດາການກະທຳຕັ້ງໃຈທຳລາຍບັນດາມໍລະດົກ ໄດ້ກາຍເປັນວິທີທຳສົງຄາມ ເພື່ອແນໃສ່ແບ່ງແຍກບັນດາສັງຄົມໃນໄລຍະຍາວ ໃນຂອບເຂດທຳລາຍວັດທະນະທຳ. ນັ້ນແມ່ນສາຍເຫດເຊິ່ງການປົກປັກຮັກສາບັນດາມໍລະດົກວັດທະນະທຳບໍ່ພຽງແຕ່ແມ່ນບັນຫາວັດທະນະທຳເທົ່ານັ້ນ, ຫາກຍັງແມ່ນຄວາມຕ້ອງການຮີບດ່ວນດ້ານປ້ອງກັນຄວາມສະຫງົບ, ບໍ່ສາມາດຕັດແຍກອອກຈາກການປົກປ້ອງການດຳລົງຊີວິດຂອງປະຊາຊົນອີກດ້ວຍ”.