ສະພາແຫ່ງຊາດປຶກສາຫາລືກ່ຽວກັບຮ່າງກົດໝາຍວ່າດ້ວຍການກວດສອບແຫ່ງລັດ
(ພາບປະກອບ)
(vovworld) - ຕອນເຊົ້າວັນທີ 26/5, ສະພາແຫ່ງຊາດໄດ້ເຮັດວຽກຢູ່ຫໍປະຊຸມ, ຮັບຟັງໃບສະເໜີ, ບົດລາຍງານກ່ຽວກັບການກວດກາຮ່າງກົດໝາຍວ່າດ້ວຍຄ່າທຳນຽມ, ຄ່າບໍລິການ; ຮັບຟັງບົດລາຍງານອະພິປາຍ, ຮັບເອົາ, ປັບປຸງຮ່າງກົດໝາຍວ່າດ້ວຍການກວດສອບແຫ່ງລັດ (ສະບັບປັບປຸງ) ແລະ ປຶກສາຫາລືກ່ຽວກັບຮ່າງກົດໝາຍນີ້. ເມື່ອປຶກສາຫາລືກ່ຽວກັບຮ່າງກົດໝາຍວ່າດ້ວຍການກວດສອບແຫ່ງລັດ (ສະບັບປັບປຸງ), ຄວາມເຫັນສ່ວນຫຼາຍຕີລາຄາວ່າ, ເມື່ອທຽບໃສ່ຮ່າງກົດໝາຍຍື່ນສະເໜີຕໍ່ສະພາແຫ່ງຊາດ ສະໄໝສາມັນເທື່ອທີ 8, ຮ່າງກົດໝາຍຍື່ນສະເໜີຕໍ່ສະພາແຫ່ງຊາດເທື່ອນີ້ ແມ່ນໄດ້ຮັບການປັບປຸງກວ່າບາດກ້າວໜຶ່ງ. ແຕ່ບັນດາຄວາມເຫັນກໍ່ສຸມໃສ່ສະເໜີຄວນກຳນົດແຈ້ງກວ່າກ່ຽວກັບຄວາມຮັບຜິດຊອບໃນການກວດສອບ ເພື່ອແນໃສ່ຍົກສູງລັກສະນະບໍລິສຸດ, ໂປ່ງໄສ ກໍ່ຄືຄຸນຄ່ານິຕິກຳຂອງການກວດສອບ. ທ່ານ ຟຸ່ງດຶກກຽນ, ສສຊ ແຂວງຮ່ານາມ, ຖືວ່າ:
“ການເພີ່ມເຕີມຫຼັກການ “ວ່ອງໄວ, ທັນການ“ ແມ່ນເໝາະສົມກັບຄວາມເຫັນຖອນເວລາກວດສອບເຊິ່ງໄດ້ຮັບການຮັບເອົາ, ປັບປຸງໃນມາດຕາ 34 ຂອງຮ່າງກົດໝາຍລົງ, ຜ່ານນັ້ນແກ້ໄຂຜົນຮ້າຍດ້ານນິຕິກຳຢ່າງທັນການ, ຈຳກັດຄວາມເສຍຫາຍສຳລັບພື້ນຖານການເງິນແຫ່ງຊາດ. ພ້ອມທັງປະກອບສ່ວນຈຳກັດການສໍ້ລາດບັງຫຼວງ, ຄວາມຫຍໍ້ທໍ້ໃນການຄຸ້ມຄອງ, ນຳໃຊ້ຊັບສິນ, ການເງິນຂອງລັດ“.
ຕອນບ່າວວັນດຽວກັນ, ສະພາແຫ່ງຊາດເຮັດວຽກຢູ່ໜ່ວຍ, ປຶກສາຫາລືບາງເນື້ອໃນຍັງມີຄວາມເຫັນແຕກຕ່າງກັນຂອງກົດໝາຍອາຍາສະບັບປັບປຸງ.