(ສືບຕໍ່ລາຍການກອງປະຊຸມສະໄໝສາມັນ
ເທື່ອທີ 10, ສະພາແຫ່ງຊາດຊຸດທີ 13)
(vovworld) – ໂດຍສືບຕໍ່ລາຍການກອງປະຊຸມສະໄໝສາມັນເທື່ອທີ 10, ສະພາແຫ່ງຊາດຊຸດທີ 13, ຕອນບ່າຍວັນທີ 19/11, ບັນດາສະມາຊິກສະພາແຫ່ງຊາດປຶກສາຫາລືກ່ຽວກັບຮ່າງກົດໝາຍວ່າດ້ວຍການຢາ (ສະບັບປັບປຸງ) ແລະ ກົດໝາຍວ່າດ້ວຍສະມາຄົມ. ຮ່າງກົດໝາຍວ່າດ້ວຍການຢາ ປັບປຸງ, ເພີ່ມເຕີມບັນດາເນື້ອໃນພື້ນຖານກ່ຽວກັບນະໂຍບາຍຂອງລັດກ່ຽວກັບການຢາ, ການພັດທະນາອຸດສາຫະກຳການຢາ, ການຄຸ້ມຄອງລັດກ່ຽວກັບລາຄາຢາ; ບັນດາຂໍ້ກຳນົດກ່ຽວກັບການດຳເນີນທຸລະກິດຢາ. ກົດໝາຍວ່າດ້ວຍການຢາ (ສະບັບປັບປຸງ) ຮັບມືກັບສະພາບການໃໝ່, ສ້າງເງື່ອນໄຂເພື່ອໃຫ້ປະຊາຊົນສຳພັດກັບຢາໃໝ່, ຢາດີຢ່າງສະດວກກ່ວາ ດ້ວຍລະດັບລາຄາທີ່ເໝາະສົມ ແລະ ມີຄຸນນະພາບ. ສຳລັບກົດໝາຍວ່າດ້ວຍສະມາຄົມ, ບັນດາສະມາຊິກສະພາແຫ່ງຊາດຖືວ່າ: ປະຈຸບັນບັນດາອົງການຈັດຕັ້ງສະມາຄົມເຄື່ອນໄຫວຍັງບໍ່ທັນມີປະສິດທິຜົນຢ່າງແທດຈິງ. ກົດໝາຍຄວນກຳນົດຢ່າງຈະແຈ້ງຄວາມຮັບຜິດຊ້ອບຄຸ້ມຄອງລັດກ່ຽວກັບສະມາຄົມ, ພ້ອມທັງ ເພີ່ມທະວີການພົວພັນລະຫວ່າງລັດກັບບັນດາອົງການຈັດຕັ້ງສະມາຄົມ.
ກ່ອນໜ້ານັ້ນ, ໃນຕອນເຊົ້າວັນທີ 19/11, ເມື່ອປຶກສາຫາລືຮ່າງກົດໝາຍວ່າດ້ວຍການປະມູນລາຄາຊັບສົມບັດ, ສະມາຊິກສະພາແຫ່ງຊາດສ່ວນຫລາຍເຫັນດີຈຳເປັນຕ້ອງປະກາດໃຊ້ກົດໝາຍວ່າດ້ວຍການປະມູນລາຄາຊັບສົມບັດ, ປະກອບປັບປຸງ, ເປັນເອກະພາບກອບນິຕິກຳການເຄື່ອນໄຫວການປະມູນລາຄາຊັບສົມບັດ. ເລື່ອງປະກາດໃຊ້ກົດໝາຍວ່າດ້ວຍ ການປະມູນລາຄາຊັບສົມບັດ ເພື່ອແນໃສ່ຫັນບັນດາຂໍ້ກຳນົດຂອງລັດຖະທຳມະນູນປີ 2013 ເປັນລະອຽດ, ຕອບສະໜອງຄວາມຮຽກຮ້ອງກ່ຽວກັບຫັນເປັນສັງຄົມ ແລະ ລັກສະນະອາຊີບໃນການເຄື່ອນໄຫວການປະມູນລາຄາຊັບສົມບັດ ບັນດາສະມາຊິກສະພາແຫ່ງຊາດກໍລົງມະຕິຮັບຮອງເອົາຮ່າງກົດໝາຍວ່າດ້ວຍຄວາມປອດໄພໃນການສື່ສານທາງເຄືອຂ່າຍອິນເຕີແນັດ.