ສະມາຄົມພຸດທະສາສະໜາຫວຽດນາມຍາມໃດກໍ່ຮ່ວມ
ເດີນທາງພ້ອມກັບແນວໂຮມປະເທດຊາດຫວຽດນາມ
(ພາບ: TTXVN)
(vovworld) - ຕອນເຊົ້າວັນທີ 19/1, ຢູ່ ຮ່າໂນ້ຍ, ຄະນະຜູ້ແທນ ສະມາຄົມພຸດທະສາສະໜາ ຫວຽດນາມ ໂດຍພະມະຫາອາຈານ ທິກແທງຍ້ຽວ, ຮອງປະທານຜູ້ປະຈຳການສະພາບໍລິຫານສູນກາງ ສະມາຄົມພຸດທະສາສະໜາ ຫວຽດນາມ ເປັນຫົວໜ້າຄະນະ, ມາຢ້ຽມຢາມ, ອວຍພອນປີໃໝ່ອົງການຄະນະກຳມະການສູນກາງແນວໂຮມປະເທດຊາດ ຫວຽດນາມ. ທີ່ການຕ້ອນຮັບ, ພະມະຫາອາຈານ ທິກແທງຍ້ຽວ ໄດ້ສົ່ງພອນໄຊອາປະເສີດທີ່ສຸດເຖິງ ຄະນະກຳມະການສູນກາງແນວໂຮມປະເທດຊາດ ຫວຽດນາມ ເນື່ອງໃນໂອກາດບຸນປີໃໝ່ປີລະກາ 2017, ແລະ ສະແດງຄວາມປາຖະໜາວ່າ, ປີໃໝ່, ແນວໂຮມປະເທດຊາດ ຫວຽດນາມ ຈະປະຕິບັດການຂົນຂວາຍ, ຂະບວນການທີ່ໄດ້ວາງອອກຢ່າງມີປະສິດທິຜົນ, ຍາມໃດກໍ່ແມ່ນຊາຍຄາລວມຂອງກຸ່ມກ້ອນມະຫາສາມັກຄີທົ່ວປວງຊົນທັງຊາດ. ພະມະຫາອາຈານ ທິກແທງຍ້ຽວ ຢືນຢັນວ່າ, ສະມາຄົມພຸດທະສາສະໜາ ຫວຽດນາມ, ບັນດາປະສົງສາມະເນນ, ພຸດທະສາສະນິກະຊົນ ຍາມໃດກໍ່ຈະຮ່ວມເດີນທາງພ້ອມກັບປະເທດຊາດ, ຕັ້ງໜ້າເຂົ້າຮ່ວມບັນດາການລະດົມ, ຂະບວນການຕ່າງໆ ໂດຍແນວໂຮມປະເທດຊາດ ຫວຽດນາມ ວາງອອກ, ເພື່ອປະກອບສ່ວນເຂົ້າໃນການພັດທະນາປະເທດຊາດ.
ກ່າວຄວາມເຫັນທີ່ການຕ້ອນຮັບ, ທ່ານ ເຈິ່ນແທງເມິ໋ນ, ຮອງປະທານ, ເລຂາທິການໃຫຍ່ ສູນກາງແນວໂຮມປະເທດຊາດ ຫວຽດນາມ ໄດ້ອວຍພອນ ສູນກາງສະມາຄົມ ພຸດທະສາສະໜາ ຫວຽດນາມ, ບັນດາພຸດທະສາສະນິກະຊົນໃນທົ່ວປະເທດປະສົບແຕ່ຄວາມໂຊກດີໃນປີໃໝ່, ນຳປະເທດຊາດກ້າວເຂົ້າສູ່ໄລຍະສຳຄັນ, ເພື່ອກາຍເປັນປະເທດອຸດສາຫະກຳ, ພັດທະນາ, ປະຊາຊົນຮັ່ງມີ, ປະເທດຊາດເຂັ້ມແຂງ, ປະຊາທິປະໄຕ.