(vovworld) – ວັນທີ 20/4, ທ່ານນາງ Marie Gabrielle Ineichen Fleisch, ລັດຖະມົນຕີຮັບຜິດຊອບດ້ານເສດຖະກິດຂອງ ສະວິດ ມີການຢ້ຽມຢາມຄະນະເລຂາ ອາຊຽນ ຢ່າງເປັນທາງການ ແລະ ມີການພົບປະກັບຮອງເລຂາທິການໃຫຍ່ ອາຊຽນ, ດຣ Lim Hong Hin. ທີ່ການພົບປະ, ທ່ານຮອງເລຂາທິການໃຫຍ່ ອາຊຽນ Lim Hong Hin ຕີລາຄາສູງຄວາມເອົາໃຈໃສ່ຂອງ ສະວິດ ປາດຖະໜາຢາກເພີ່ມທະວີການຮ່ວມມືດ້ານເສດຖະກິດກັບ ອາຊຽນ. ທ່ານໄດ້ສະຫລຸບກ່ຽວກັບບັນດາຄວາມຄືບໜ້າບັນລຸໄດ້ໃນການສ້າງຕັ້ງປະຊາຄົມເສດຖະກິດ ອາຊຽນ (AEC) ແລະ ບັນດາຄວາມກ້າວໜ້າບັນລຸໄດ້ໃນການເຈລະຈາບັນດາສັນຍາການຄ້າຄື: ສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP) ບົນພື້ນຖານຂໍ້ຕົກລົງການຄ້າເສລີ ອາຊຽນ +1. ທ່ານນາງລັດຖະມົນຕີ ສະວິດ ຕີລາຄາສູງບັນດາຄວາມມານະພະຍາຍາມກໍ່ສ້າງ AEC ຂອງ ອາຊຽນ ແລະ ຢັ້ງຢືນຄືນໃໝ່ຄວາມສົນໃຈຢ່າງແຮງຂອງ ສະວິດເພື່ອແນໃສ່ເພີ່ມທະວີການພົວພັນກັບ ອາຊຽນ ແລະ ບັນດາປະເທດ ສະມາຊິກ, ພິເສດແມ່ນໃນການຮ່ວມມມືເສດຖະກິດ.