ສະຫະພາບເອີລົບຮຽກ ຮ້ອງໃຫ້ອິດສະຣາເເອນ ຍົກເລີກຂໍ້ຕົກລົງຕ້ານ ປາແລດສະຕິນ
ທ່ານນາງ Catherine Ashton
(ພາບ:TTXVN)
(vovworld)- ວັນທີ 18/4, ສະຫະພາບເອີລົບໄດ້ຮຽກຮ້ອງໃຫ້ ອິດສະຣາແອນ ຍົກເລີກຂໍ້ຕົກລົງສະບັບຕ່າງໆທີ່ຜ່ານມາ ເພື່ອຕ້ານຄືນປາແລດສະຕິນ, ພ້ອມທັງສະເໜີໃຫ້ທັງສອງຝ່າຍຈົ່ງລະງັບຈິດໃຈ ແລະ ຍົກສູງຄວາມຮັບຜິດຊອບຂອງຕົນເພື່ອບໍ່ສົ່ງການກະທົບບໍ່ດີເຖິງວິວັດການເຈລະຈາສັນຕິພາບໃນປະຈຸບັນ.
ເພື່ອສະແດງຄວາມວິຕົກກັງວົນຂອງຕົນເອງ, ທ່ານນາງ Catherine Ashton ຜູ້ຕາງໜ້າຂັ້ນສູງກ່ຽວກັບນະໂຍບາຍຕ່າງປະເທດ ແລະ ການປ້ອງກັນຄວາມສະຫງົບຂອງສະຫະພາບເອີລົບ ໃຫ້ຮູ້ວ່າ : ບັນດາການກະທຳວຫວ່າງແລ້ວນີ້ຂອງອິດສະຣາແອນ, ຄື: ປະກາດການກໍ່ສ້າງເຂດຕັ້ງຖິ່ນຖານຄົງທີ່ຢູ່ເຂດດິນແດນຖືກຢຶດຄອງຂອງປາແລດສະຕິນ, ບໍ່ຊ່ວຍສ້າງບັນຍາກາດແຫ່ງຄວາມໄວ້ເນື້ອເຊື່ອໃຈ ແລະ ການຮ່ວມມືທີ່ຈຳເປັນຕໍ່ຜົນສຳເລັດຂອງວິວັດການເຈລະຈາສັນຕິພາບ. ທ່ານນາງ Catherine Ashton ຍັງກ່າວຫາການບຸກໂຈມຕີຕອບໂຕ້ເຊິ່ງກັນ ແລະ ກັນຄັ້ງຕ່າງໆ, ຮຽກຮ້ອງໃຫ້ສອງຝ່າຍຈົ່ງຢຸດຕິການໃຊ້ຄວາມຮຸນແຮງທັງໝົດ, ພ້ອມກັນນັ້ນກໍ່ສະແດງເສຍດາຍຕໍ່ເລື່ອງຫວ່າງແລ້ວນີ້ ອິດສະຣາແອນ ຢຶດເອົາເຄື່ອງຊ່ວຍເຫຼືອມະນຸດສະທຳຂອງສະຫະພາບເອີລົບທີ່ໜູນຊ່ວຍໃຫ້ປາແລດສະຕິນ./.